Забур 130:1—8
Шаарга чыгып баратканда ырдалчу ыр.
130 Оо, Жахаба, кыйналып туңгуюкка түшкөндөй болгондо сага жалбарам.+
2 Оо, Жахаба, үнүмдү уга көр.
Жардам сурап зарлаганыма назар сала көр.
3 Эгер сен, Жах, күнөөлөргө эле көңүл бура берсең*,Оо, Жахаба, анда ким айыпсыз деп эсептеле алат?+
4 Бирок адамдар сени кастарлап турушу үчүн,+Аларды чындап кечиресиң.+
5 Жахабага үмүт артам, бүт жүрөгүм* менен үмүт артам,Айткан сөзүнүн аткарылышын күтөм.
6 Сакчылардын таңды күткөнүнө,Таңдын атышын күткөнүнө караганда+Мен Жахабанын жардамын көбүрөөк эңсеп күтөм.+
7 Ысрайыл Жахабанын жардамын күтсүн,Анткени Жахабанын сүйүүсү туруктуу,+Кудурети зор, ал өз элин куткара алат*.
8 Ал ысрайыл элин бардык күнөөлөрүнөн арылтат.
Шилтемелер
^ Же: «күнөөлөрдү эле көрө берсең; санай берсең».
^ Же: «жан дүйнөм».
^ Же: «кун төлөп куткара алат».
