Забур 132:1—18
Шаарга чыгып баратканда ырдалчу ыр.
132 Оо, Жахаба, Дөөтүнү,Анын тарткан бардык азабын эстей көр.+
2 Жахаба, анын сага кандай убада бергенин,Жакыптын Кудуреттүү Кудайына кандай ант бергенин эстей көр.+
3 Ал: «Мен үйүмө кирбейм.+
Төшөгүмө жатпайм;
4 Көз ирмебейм,Кирпик какпайм,
5 Жахабага турак жай тапмайын,Жакыптын Кудуреттүү Кудайына жакшы турак жай* тапмайын тынч албайм»,— деген.+
6 Мына, биз ал* жөнүндө Эфратадан+ укканбыз,Аны токойлуу талаадан тапканбыз.+
7 Келгиле, Кудайдын турак жайына* кирели,+Таман астында таазим кылалы.+
8 Оо, Жахаба, келип, жашаган жайыңа кир,+Күчүңдүн белгиси болгон келишим сандыгың менен кир.+
9 Дин кызматчыларың дайыма адил иш кылышсын*,Берилген кызматчыларың шаттана кыйкырсын.
10 Кызматчың Дөөтү үчүнӨзүң тандаганды* четке какпа.+
11 Жахаба Дөөтүгө ант берген,Ал сөзсүз сөзүнө турат.
Ал: «Тукумдарыңдын биринСенин тактыңа отургузам.+
12 Урпактарың келишимимди сактаса,Үйрөтө турган насааттарыма кулак какса,+Алардын да урпактарыТактыңда түбөлүк отурат»,+— деген.
13 Анткени Жахаба Сионду+ тандап алган,Аны өзүнүн турак жайы кылгысы келип, мындай деген:+
14 «Бул — менин түбөлүк жашай турган жайым,Өзүм каалагандыктан ушул жерде жашайм.+
15 Батамды берип, бул жердин тамак-ашын мол кылам,Жакырларын нанга тойгузам.+
16 Дин кызматчыларына куткарылууну кийимдей кылып кийгизем,+Сиондогу берилген кызматчыларым кубанып-шаттанат.+
17 Ошол жактан Дөөтүнүн күчүнө күч кошом*;Өзүм тандаганыма* чырак* камдап койгом.+
18 Душмандарын маскара кылам,Ал эми анын башындагы таажыны жаркыратам».+
Шилтемелер
^ Же: «улуу чатыр».
^ Сыягы, келишим сандыгын билдирет.
^ Же: «улуу чатырына».
^ Сөзмө-сөз: «адилдикти кийишсин».
^ Же: «Майланганыңды».
^ Сөзмө-сөз: «мүйүзүн көтөрөм».
^ Же: «Майланганыма».
^ Сыягы, урпагын билдирет.
