Забур 141:1—10
Дөөтүнүн ыры.
141 Оо, Жахаба, сени чакырам,+Мага тезинен жардамга кел.+
Сени чакырганымда, үнүмө кулак сала көр.+
2 Тиленүүм сага арналган, жакшы даярдалган жыпарзаттай болсун,+Колумду көтөрүп жалынганым дан азыктарынан алынып келинген кечки тартуудай болсун.+
3 Оо, Жахаба, оозума сакчы кой,Оозумдун каалгасына күзөтчү кой.+
4 Жамандык кылгандарга кошулуп жийиркеничтүү иштерге барбашым үчүн,Жүрөгүмдүн жаман нерсеге бурулушуна жол бере көрбө,+Алардын чүйгүн тамактарынан эч качан жебейин.
5 Мени адил адам урса, бул — анын жакшы көргөнү*,+Ашкерелесе, бул — башыма май сыйпаганы,+Ошенткенин эч качан четке какпайм.+
Алар үчүн кырсыкка кабылышканда да тиленем.
6 Соттору жардан кулатылса да,Эл мени кунт коюп уга берет, себеби сөздөрүм жагымдуу.
7 Жер айдаганда чачылган топурактай болуп,Сөөктөрүбүз көрдүн* оозуна чачылды.
8 Бирок мен сенден көзүмдү албайм, оо, Эгедер Теңир Жахаба.+
Мен сени баш маана кылдым.
Өмүрүмдү кыя көрбө.
9 Мени бут алдыма коюлган капкандын жаагынан,Жамандык кылгандардын тузагынан сактай көр.
10 Ыймансыздардын баары өз торуна өздөрү түшөт,+Мен болсо андан аман-эсен кыя өтүп кетем.
