Забур 148:1—14
148 Жахты даңктагыла!
Асмандагылар, Жахабаны даңктагыла,+Жогорудагылар, аны даңктагыла.
2 Бардык периштелери, аны даңктагыла.+
Бардык аскерлери, аны даңктагыла.+
3 Күн менен ай, аны даңктагыла.
Жаркыраган жылдыздар, аны даңктагыла.+
4 Бийик асман, аны даңкта,Асмандагы жамгырлуу булуттар, аны даңктагыла.
5 Бардыгы Жахабанын ысмын даңктасын,Анткени алар анын буйругу менен жаратылган.+
6 Ал аларды түбөлүктөн түбөлүккө сактап турат.+
Анын чыгарган мыйзамы жокко чыкпайт.+
7 Жердегилер, Жахабаны даңктагыла.
Деңиздеги алп жаныбарлар, бүт терең суулар,
8 Чагылган менен мөндүр, кар менен коюу булуттар,Анын сөзүн аткарган катуу шамал,+
9 Тоолор менен бардык адырлар,+Мөмөлүү дарактар менен бүт бал карагайлар,+
10 Жапайы жаныбарлар+ менен бардык үй айбанаттары,Сойлоочулар менен канаттуу куштар,
11 Жер жүзүндөгү падышалар менен бүт элдер,Төрөлөр менен жер жүзүндөгү бардык соттор,+
12 Жигиттер менен кыздар,Карылар менен жаштар, аны даңктагыла.
13 Бардыгы Жахабанын ысмын даңкташсын,Анткени жалгыз анын ысмы кол жеткис бийик.+
Анын улуулугу жерден да, асмандан да бийик.+
14 Ал өз элинин күчүнө күч кошуп,Бардык берилген кызматчыларынын,Ысрайыл элинин, өзүнө жакын элдин даңкын чыгарат.
Жахты даңктагыла!
