Забур 16:1—11
Дөөтүнүн миктамы*.
16 Оо, Кудай, мени коргой көр, анткени сени баш маана кылам.+
2 Мен Жахабага: «Оо, Жахаба, сен жашоомдогу бардык жакшы нерсенин* булагысың.
3 Жер үстүндөгү ыйыктар, даңктуулар,Мага чоң кубаныч тартуулайт»,— дедим.+
4 Башка кудайлардын артынан чуркагандар өз кайгысын көбөйтөт.+
Ал кудайларга алар менен чогуу кандан тартуу алып келбейм,Ысымдарын* оозума да албайм.+
5 Оо, Жахаба, сен менин үлүшүмсүң,+ мага керектүүнүн баарын берген сенсиң*.+
Мурасымды сен сактап турасың.
6 Энчиме жакшы жерлер тийди.
Мурасым купулума толду.+
7 Мага акыл-кеңеш айткан Жахабаны алкайм.+
Атүгүл түнкүсүн да ичимдеги ойлорум* мени оңдоп-түзөп турат.+
8 Жахаба дайыма көз алдымда.+
Ал оң жагымда болгондуктан, эч качан тынчсызданбайм.+
9 Ошондуктан жүрөгүм кубанычка толуп, жан дүйнөм шаттанат.
Мен коопсуз жашайм.
10 Анткени сен мени көрдө* калтырбайсың.+
Берилген кызматчыңдын көрдө калышына* жол бербейсиң*.+
11 Мага өмүргө алып бара турган жолду көрсөтөсүң.+
Сенин алдыңда тургандар зор кубанычка бөлөнөт;+Оң жагыңда болуу түбөлүк бакытка бөлөйт*.
Шилтемелер
^ Же: «жакшылыгымдын».
^ Б. а. жалган кудайлардын ысымдарын.
^ Же: «чөйчөгүмсүң».
^ Же: «тереңде жаткан сезимдерим». Сөзмө-сөз: «бөйрөктөрүм».
^ Же: «көрдү көрүшүнө».
^ Же балким: «Берилген кызматчыңдын чиришине жол бербейсиң».
^ Же: «түбөлүккө жагымдуу».
