Забур 17:1—15
Дөөтүнүн тиленүүсү.
17 Оо, Жахаба, акыйкаттыкты издеп жалбарганымды уга көр,Жардам сурап зарлаганыма назар салып,Чын жүрөктөн чыккан тилегиме кулак төшөй көр.+
2 Менин пайдама акыйкат чечим чыгара көр,+Көзүң туура иштеримди көрсө экен.
3 Сен жүрөгүмдү изилдедиң, мени түн ичинде текшердиң,+Мени тазаладың.+
Текшергениңде эч кандай арамдык ойлобогонумду,Тилим менен күнөөгө батпаганымды көрөсүң.
4 Башкалардай болбой,Сен айткандай кылып, талап-тоноочулардын жолун жолдогон жокмун.+
5 Мүдүрүлбөшүм үчүн,Сенин жолуңда кадам шилтей бергенге жардам бер.+
6 Оо, Кудай, сага кайрылам, анткени сен сөзсүз жооп бересиң.+
Мага кулак сала көр*, айткандарымды уга көр.+
7 Оо, Кудай, сага каршы чыккандардан качып,Оң колуңа баш калкалагандардын Куткаруучусу,Туруктуу сүйүүңдү кереметтүү иштериң менен көрсөт.+
8 Мени көзүңдүн карегиндей сакта,+Канатыңдын көлөкөсүнө калкала.+
9 Мени кол салган ыймансыздардан,Курчап алган мыкаачы душмандардан сакта.+
10 Алар мерез болуп калышкан*,Текебердене сүйлөшөт.
11 Алар мени менен жанымдагыларды курчап алышты,+Кулатыш үчүн аңдып турушат.
12 Алардын ар бири жемин жара тартканга даяр турган арстандай,Жашыруун жайда аңдып жаткан жаш арстандай.
13 Оо, Жахаба, ордуңан тур. Аларга каршы чыгып,+ сулата көр.
Мени ыймансыздардан кылычың менен сактай көр.
14 Оо, Жахаба, мени куткара көр,Азыркы дүйнөнүн* кишилеринен, бул жашоонун кызыгын гана ойлогондордон, куткара көр.+
Алар сенден жакшы нерселерди мол алып,+Көптөгөн уулдарына мурас калтырып жатышат.
15 Ал эми мен адил болгондуктан ырайымыңа ээ болом*,Ойгонгондо эле жанымда экениңди билгендиктен* сүйүнөм.+
Шилтемелер
^ Же: «Эңкейип, кулак сала көр».
^ Же: «Аларды май басып калган».
^ Же: «доордун; замандын».
^ Сөзмө-сөз: «жүзүңдү көрөм».
^ Же: «элесиңди көрүп».
