Забур 22:1—31
Жетекчиге. «Таң маралы» деген обондун коштоосунда ырдалат. Дөөтүнүн ыры.
22 Кудайым, Кудайым, мени эмнеге таштап койдуң?+
Эмнеге мени куткарбайсың?
Эмнеге жаным кыйналып кыйкырганымда укпайсың?+
2 Оо, Кудайым, күндүз чакырсам да, жооп бербейсиң.+
Түнкүсүн да үнүм басылбайт, ошентсе да жооп кайтарбайсың.
3 Бирок сен ыйыксың,+Ысрайылдын алкышына бөлөнгөнсүң*.
4 Ата-бабаларыбыз өзүңө таянган,+Сага таянгандыктан, аларды куткарып тургансың.+
5 Алар өзүңө жалбарып, аман калышкан,Сага таянып, көңүлдөрү кайт болгон эмес*.+
6 Мен болсо адам эмей эле курт сыяктуу болуп,Элге күлкү, жек көрүндү болуп калдым.+
7 Мени көргөндөрдүн баары шакаба чегишет,+Мыскылдап күлүп, баштарын чайкап:+
8 «Жахабага таянчу эмес беле, эми куткарып алсын!
Аны ушунчалык эле жакшы көрсө, сактап калсын!» — дешет.+
9 Мени энемдин курсагынан чыгарган сенсиң,+Эмчектеги кезимде эле мени коргоп жүргөнсүң.
10 Төрөлгөнүмөн тартып эле сенин колуңа тапшырылгам,Энемдин курсагында жаткандан бери эле сен менин Кудайымсың.
11 Менден алыста турба, анткени кыйын учур жакындап келатат,+Сенден башка жардамчым жок.+
12 Мени көп душман курчап алды,+Башандын күчтүү букаларындай тегеректеп алды.+
13 Олжосун жара тарткан арылдаган арстан сымал+Ооздорун араандай ачып турушат.+
14 Күч-кубатым суудай төгүлдү,Сөөктөрүм бири-биринен ажырап калды,Жүрөгүм момго айланып,+Көөдөнүмдө эрип жатат.+
15 Дарманым кетип, карапанын сыныгындай какжырап калдым,+Тилим таңдайыма жабышты,+Мени өлүмгө берип, топуракка жашырдың.+
16 Душмандарым мени иттердей болуп тегеректеп алды;+Кыянатчылдардын тобу курчап алды,+Арстанга окшоп колу-бутума азуусун салып жатышат.+
17 Сөөгүмдүн баары саналгыдай болуп калды.+
Душмандарым көзүн албай мени тиктеп турушат.
18 Алар кийимдеримди өз ара бөлүп алып жатышат,Кийимим үчүн өкчөмө таш ыргытып жатышат.+
19 Оо, Жахаба, менден алыста тура бербе,+Сен менин күч-кубатымсың, жардамга шашыл.+
20 Жанымды кылычтан куткар,Баа жеткис өмүрүмдү иттерден сакта.+
21 Мени арстандын азуусунан,+ жапайы букалардын мүйүзүнөн сакта,Мага жооп бер, сактай көр.
22 Сенин ысмыңды бир туугандарыма жарыялайм,+Жыйналышта сени даңктайм.+
23 Жахабадан корккондор, аны мактагыла!
Жакыптын бардык урпактары, аны даңктагыла!+
Ысрайылдын бардык урпактары, аны кастарлагыла!
24 Анткени ал эзилгендин азап-кайгысына кайдыгер караган жок,+Андан жийиркенген жок;Жүзүн буруп, жашырган жок,+Жардам сурап жалынганда, үнүн укту.+
25 Мен сени чоң жыйында даңктайм,+Берген антымдын баарын сенден корккондордун алдында аткарам.
26 Мүнөзү жумшактар ичип-жеп, тоюнушат,+Жахабага кызмат кылгандар аны даңкташат.+
Алар түбөлүккө рахаттанып өмүр сүрүшсүн.
27 Жердин булуң-бурчундагылар Жахабаны эстеп, ага кайрылышат.
Бардык элдердин уруулары сага таазим кылат.+
28 Анткени Жахаба — Падыша,+Ал элдерди башкарат.
29 Жер жүзүндөгү байлардын баары тойлоп, ага таазим кылат;Топуракка айлана тургандардын баары анын алдында тизе бүгөт.
Бири да жанын сактап кала албайт.
30 Алардын урпактары ага кызмат кылат;Жахаба жөнүндө келерки муунга айтылат.
31 Алар анын адил иштери тууралуу айтып берет.
Төрөлө тургандарга анын ишин жарыялайт.
