Забур 25:1—22
Дөөтүнүн ыры.
א [Алеф]
25 Оо, Жахаба, сага кайрылам*.
ב [Бет]
2 Кудайым, бир өзүңө таянам,+Мени уятка калтыра көрбө.+
Душмандарымдын мени табалашына жол бербе.+
ג [Гимел]
3 Сага үмүт арткандардын бири да уятка калбайт.+
Ал эми жок жерден чыккынчылык кылгандар маскара болот.+
ד [Далет]
4 Мага өз жолуңду көрсөт, оо, Жахаба,+Өз жолуңда жүргөндү үйрөт.+
ה [Хе]
5 Туура жолуңда жүргөнгө жардам бер, мени үйрөт;+Анткени сен куткаруучу Кудайымсың.
ו [Вав]
Сага ар убак үмүт артам.
ז [Зайин]
6 Оо, Жахаба, элиңе дайыма* кайрымдуулук кылган,+Аларды сүйгөн* Кудай экениңди эстей көр.+
ח [Хет]
7 Кылмыштарымды, жаш кезимдеги күнөөлөрүмдү эстебе,Оо, Жахаба, мени жакшы көргөндүктөн* эстей көр,+Анткени сен боорукерсиң.+
ט [Тет]
8 Жахаба боорукер жана чынчыл.+
Ошон үчүн күнөөкөрлөргө түз жолдо жүргөндү үйрөтөт.+
י [Йод]
9 Ал мүнөзү жумшактарга туура иш кылганга багыт берет,+Аларга өзүнүн жолунда жүргөндү үйрөтөт.+
כ [Каф]
10 Келишимин сактап,+ насааттарын аткаргандар үчүн+Жахаба дайыма аларды сүйөрүн, аларга ишенимдүү экенин көрсөткөн иштерди кылат.
ל [Ламед]
11 Оо, Жахаба, күнөөм чоң болсо да,+Өз ысмың үчүн кечир.
מ [Мем]
12 Ким Жахабадан коркот?+
Кудай ага кайсы жолду тандашы керектигин үйрөтөт.+
נ [Нун]
13 Андай киши жакшылык көрөт,+Урпактары жерди мураска алат.+
ס [Самех]
14 Жахаба андан корккондор менен ынак дос болот,+Аларга келишими жөнүндө билгенге жардам берет.+
ע [Айин]
15 Мен Жахабадан көзүмдү албай жардам күтөм.+
Анткени ал бутумду тордон бошотот.+
פ [Пе]
16 Мага жүзүңдү бур, ырайым кыл,Анткени мен жалгыз, коргоосуз калдым.
צ [Цаде]
17 Жүрөгүмдүн кайгысы көбөйдү.+
Мени азабымдан арылт.
ר [Реш]
18 Башыма түшкөн мүшкүлгө, азабыма көңүл бур,+Күнөөлөрүмдүн баарын кечир.+
19 Душмандарымдын канчалык көбөйгөнүн,Мени канчалык жек көрөрүн карачы.
ש [Шин]
20 Жанымды сактап кал, мени куткара көр,+Уятка калбайын, анткени сени баш маана кылып келем.
ת [Тав]
21 Кынтыксыздыгым, чынчылдыгым үчүн мени корго,+Себеби өзүңө үмүт артам.+
22 Оо, Кудай, Ысрайылды бардык азаптарынан куткар.
Шилтемелер
^ Же: «жанымды сага сунам».
^ Же: «Аларга туруктуу сүйүү көрсөткөн».
^ Же: «байыртадан бери».
^ Же: «туруктуу сүйүүңдөн улам».
