Забур 27:1—14
Дөөтүнүн ыры.
27 Жахаба — менин жарыгым,+ куткаруучум,Кимден коркмок элем?+
Жахаба өмүрүмдү коргоп турган чептей,+Ким үрөйүмдү учурмак эле?
2 Кыянатчылдар мени тытып жеш үчүн кол салганда,+Ошол душмандарым менен кастарым өздөрү мүдүрүлүп жыгылышты.
3 Аскерлер чатырын тигип, мени курчап алса да,Жүрөгүм солк этпейт.+
Мага каршы согуш ачышса да,Кудайга таяна берем.
4 Жахабадан бир нерсени сурап келем:
Жахабанын сулуулугун* көрүш үчүн,Ибадатканасын* карап суктаныш үчүн*,+Өмүр бою Жахабанын үйүндө болсом дейм.+
Ушуну гана көксөп келем.
5 Башыма мүшкүл түшкөн күнү ал мени турагына калкалайт,+Жашыруун жайына, чатырына, жашырат,+Бийик зоого чыгарат.+
6 Мен тегеректеп алган душмандарыман жогору турам.
Жахабанын чатырында шаттана курмандык чалам,Аны даңктап ырдайм*.
7 Оо, Жахаба, сени чакырганымда, үнүмдү ук,+Ырайым кылып, жооп бер.+
8 «Мени издегиле»,— деген буйругуңду жүрөгүмдө кайталап келем.
Оо, Жахаба, сени издейм.+
9 Менден жүзүңдү жашырба,+Каардана кызматчыңан баш тартпа.
Сен менин жардамчымсың,+Куткаруучу Кудайым, мени четке какпа, таштаба.
10 Мени ата-энем таштап кетсе да,+Сен кабыл алып, кам көрөсүң, Жахаба.+
11 Мага өз жолуңда жүргөндү үйрөт, оо, Жахаба,+Туура жолдо алып жүр, анткени душмандарым курчап алды.
12 Мени алардын колуна салып бербе.+
Анткени жалган күбөлөр мага каршы чыгып,+Коркутуп-үркүтүп жатышат.
13 Көзүмдүн тирүүсүндө Жахабанын канчалык жакшы экенин көрөрүмө ишенбесем, эмне болмокмун?*+
14 Жахабага үмүт арт;+Кайраттуу бол, жүрөгүң курч болсун.+
Ооба, Жахабага үмүт арт!
Шилтемелер
^ Же: «канчалык жакшы экенин».
^ Же: «Ыйык жайын».
^ Же: «ой жүгүртүш үчүн».
^ Же: «күү чертем».
^ Же балким: «Жахабанын канчалык жакшы экенин көрөрүмө бекем ишенем».
