Забур 43:1—5
43 Оо, Кудай, мага калыстык кыла көр,+Берилгендигин сактабаган элге каршы чыгып, сот ишинде мага болуш,+Мени калпычы, ыймансыз кишиден куткар.
2 Анткени сен менин Кудайымсың, чебимсиң.+
Эмнеге мени четке кагып койдуң?
Эмнеге душманымдын кысымынан улам кайгырып жүрөм?+
3 Жарыгыңды чача көр, чындык сөзүңдү ачып бере көр,+Алар мага жол көрсөтсүн,+Ыйык тооңо, улуу чатырыңа алып барсын.+
4 Ошондо, Кудайым, курмандык жайыңа барам,+Мени чексиз кубанычка бөлөгөн Кудайым, сага барам.
Оо, Кудай, менин Кудайым, сени арфа чертип даңазалайм.+
5 Эмнеге заманам куурулуп жатат?
Эмнеге ичим уйгу-туйгу болуп жатат?
Мен Кудайды күтөм,+Анткени мен аны Улуу Куткаруучум, Кудайым катары дагы да даңктайм.+
