Забур 45:1—17
Жетекчиге. «Лилиялар» деген обондун коштоосунда ырдалат. Корактын+ урпактарынын забуру. Маскил. Сүйүү жөнүндөгү ыр.
45 Жакшы бир нерсе угуп, жүрөгүм толкуп жатат.
«Менин ырым падышага арналат»,— дейм.+
Тилим чебер көчүрмөчүнүн калеми+ болсун.+
2 Адам баласынын ичинен эң сулуусу сенсиң,Оозуңан жанга жагымдуу сөздөр чыгат,+Ошон үчүн Кудай сага түбөлүккө батасын берген.+
3 Оо, күчтүү жоокер,+ кылычыңды+ белиңе байла,Даңкың менен көркүңө чулган.+
4 Даңктуу экениңди көрсөт да, жеңишке* жет;+Чындык, момундук, адилдик үчүн аттанып чык,+Сенин оң колуң кастарлоо сезимин туудурган иштерди кылат*.
5 Учтуу жебелериң падышанын душмандарынын жүрөгүнө сайылат,+Элдерди алдыңа жыгат.+
6 Кудай сага түбөлүктөн түбөлүккө башкарганга бийлик берет*.+
Сен падышалык таягың менен адилеттүү бийлик жүргүзөсүң.+
7 Сен адилдикти сүйүп,+ ыймансыздыкты жек көрдүң.+
Ошондуктан Кудай, сенин Кудайың, сени май менен майлап*,+ башка падышаларга караганда көбүрөөк шаттыкка бөлөдү.+
8 Бүт кийимиңден мирра, алоэ, кассия* аңкып турат,Пил сөөгү менен кооздолгон ак сарайдагы кыл аспаптардын үнү көңүлүңдү шат кылат.
9 Падышалардын кыздары ак сарайыңдагы кадырлуу айымдардын арасында,Опир алтынын+ тагынып жасанган каныша оң тарабыңда.
10 Ук, оо, кызым, көңүл буруп, кулак сал,Өз элиңди, атаңдын үйүн унут.
11 Падыша сулуулугуңа арбалат,Ал — сенин мырзаң,Ошон үчүн ага таазим кыл.
12 Тирдин эли* белек алып келет,Байлыкка тунгандар сага жакканга аракеттенет.
13 Падышанын көрккө бөлөнгөн кызы ак сарайда,Анын кийими алтын менен кооздолгон.
14 Токулган* кооз кийим кийген ал кызды падышага алып барышат,Артынан курбу кыздарын* анын алдына* ээрчитип барышат.
15 Аларды кубаныч, шаттык менен алып келишет,Алар падышанын ак сарайына киришет.
16 Ата-бабаларыңдын ордун уулдарың басат,Аларды бүт жер жүзүнө төрө кылып дайындайсың.+
17 Сенин ысмыңды келерки муундардын баарына жарыялайм,+Ошондо элдер сени түбөлүктөн түбөлүккө даңкташат.
Шилтемелер
^ Же: «ийгиликке».
^ Сөзмө-сөз: «иштерге үйрөтөт».
^ Сөзмө-сөз: «Кудай — түбөлүктөн түбөлүккө сенин тактың».
^ Же: «сени дайындап».
^ Корицанын башка түрү.
^ Сөзмө-сөз: «кызы».
^ Же балким: «Саймаланган».
^ Сөзмө-сөз: «эркек көрө элек кыздарды».
^ Сөзмө-сөз: «сенин алдыңа».
