Забур 49:1—20
Жетекчиге. Корактын+ урпактарынын ыры.
49 Бардык элдер, уккула!
Дүйнө жүзүндө жашагандар, көңүл бургула!
2 Карапайымдар да, даражасы бийиктер да,Байлар да, кедейлер да — баарыңар уккула!
3 Оозуман акылман сөздөр чыгат,Жүрөгүмдөгү ойлордон+ түшүнүгүм терең экени байкалат.
4 Накыл сөздү дит коюп угам,Арфа чертип, табышмагымдын жандырмагын айтам.
5 Мени ойрон кылгысы келген кыянатчылдар курчап алып,Башыма жамандык түшкөндө, эмнеге коркмок элем?+
6 Дүнүйө-мүлкүнө таянгандар да,+Байлыгынын көптүгүнө чиренгендер да,+
7 Эч кимиси кимдир бирөөнү кун төлөп куткара албайт,Ал үчүн Кудайга кун бере албайт.+
8 (Адамдын өмүрү үчүн төлөнө турган кун өтө чоң болгондуктан,Алар аны эч качан төлөй албайт.)
9 Көргө түшпөй, түбөлүк жашашы үчүн, аны кун төлөп куткара алышпайт.+
10 Алар акылмандардын да өлгөнүн,Акылсыз менен түркөйдүн жок болгонун,+Топтогон мүлкүн башкаларга калтырганын көрүп жатышат.+
11 Алар үйлөрүнүн түбөлүк турушун,Чатырларынын муундан муунга калышын каалашат,Жерлерин да өз ысымдары менен аташат.
12 Ошентсе да пенде, канчалык барктуу болбосун, түбөлүк жашабайт,+Анын ажалдуу айбандан айырмасы жок.+
13 Акылсыздардын жолу ушуга алып барат,+Аларды ээрчип, болбогон сөздөрүнө маашырлангандардын да жолу ушундай. (Села)
14 Алар союла турган койлордой эле өлүшөт,Өлүм аларды койчу сымал кайтарат;Ал эми таң атканда аларды адилдер башкарат;+Алардын изи да калбайт,+Үйү ак сарай эмес эле, көр* болот.+
15 Мени болсо Кудай көрдүн бийлигинен кун төлөп куткарат,+Анткени мени коргоп-калкалап калат. (Села)
16 Кайсы бир адам байып,Үйүнүн көркү артып, укмуш болуп баратса, коркпо,
17 Себеби өлгөндө эч нерсесин алып кете албайт,+Байлыгын өзү менен кошо ала жатпайт.+
18 Тирүү жүргөндө ал өзүн-өзү мактайт,+(Ишиң жакшы жүрсө, сени эл мактайт).+
19 Акыры ал ата-бабаларындай эле көз жумат,Алар эч качан жарыкты көрүшпөйт.
20 Пенде муну түшүнбөсө, канчалык барктуу болбосун,+Ажалдуу айбандан айырмасы жок.
