Забур 5:1—12
Жетекчиге. Нехилот*. Дөөтүнүн ыры.
5 Оо, Жахаба, тилегимди уга көр,+Үшкүрүгүмө көңүл бура көр.
2 Оо, Падышам, Кудайым, жардам сурап зарлаганыма кулак төшөй көр,Анткени сенден тиленип жатам.
3 Оо, Жахаба, үнүмдү таң заардан угасың,+Таң эртеден сага санаамды айтып,+ жообуңду күтөм.
4 Себеби сен ыймансыздыкты жек көргөн Кудайсың,+Бир да кара ниет жаныңа жолой албайт.+
5 Бой көтөргөндөрдүн бири да көз алдыңда турбайт,Сен ыймансыздык кылгандардын баарын жек көрөсүң,+
6 Калп айткандарды жок кыласың.+
Жахаба, сен зөөкүр*, митаам кишилерден жийиркенесиң.+
7 Сен мени улуу сүйүүңө*+ бөлөгөндүктөн, үйүңө кирем,+Ыйык ибадатканаңды* карап, сени кастарлап таазим кылам.+
8 Оо, Жахаба, мени адил жолуңда жетектеп, душмандарыман коргой көр,Жолуңда тоскоолдуксуз жүрө алгандай болоюн.+
9 Алардын бир да сөзүнө ишенип болбойт,Жүрөктөрү жамандыкка толгон.
Алардын оозу ачык мүрзөдөй,Алар кошоматтанып сүйлөшөт*.+
10 Бирок Кудай аларды айыптуу деп табат.+
Алар ойлоп тапкан айла-амалдарынын кесепетинен ойрон болот.
Кудайым, аларды кууп жибер, анткени кылмыштары көп,Алар сага каршы чыгышты.
11 Сени баш маана кылгандардын баары кубанышат,+Дайыма шаттанып үн салышат.
Сен аларды коргоп, ыймансыздарды жолотпойсуң.
Ысмыңды жакшы көргөндөр кубанышат.
12 Себеби сен ар бир адил адамга батаңды бересиң, оо, Жахаба,Аларды ырайымың менен чоң калкан сымал коргойсуң.+
