Забур 50:1—23
Асаптын+ ыры.
50 Башка кудайлардын баарынан жогору турган Жахаба Кудай+ сүйлөдү,Жер жүзүндөгүлөрдүн баарын,Күн чыгыштан күн батышка чейин жашагандардын баарын чогултуш үчүн чакырды.
2 Көркү жеткилең Сиондон+ Кудай жаркырады.
3 Кудайыбыз келет, ал унчукпай койбойт.+
Анын алдында баарын жалмаган от болот,+Айланасында катуу шамал согот.+
4 Өз элине сот жүргүзүш үчүн,+Ал жогорудагы асман менен жердегилерди+ чакырып:
5 «Курмандыктын негизинде мени менен келишим түзгөндөрдү,+Берилген кызматчыларымды алдыма чогулткула»,— деп жатат.
6 Асман анын адилдигин жар салат,Анткени Кудайдын өзү — Сот.+ (Села)
7 Кудай мындай дейт: «Кулак сал, элим, мен сүйлөйм,Ысрайыл, сага каршы күбөгө өтөм.+
Мен Кудаймын, сенин Кудайыңмын.+
8 Мен сени чалган курмандыктарың үчүн,Же дайыма алдыма алып келген бүтүндөй өрттөлчү курмандыктарың үчүн жемелеп жаткан жокмун.+
9 Мага сенин малканаңдагы букаңдын да,Корооңдогу текелериңдин да кереги жок.+
10 Себеби токойдогу бүт жапайы жаныбарлар,Атүгүл миңдеген тоолордогу айбанаттар да меники.+
11 Мен тоодогу ар бир канаттууну билем,+Талаадагы сансыз жаныбарлар да меники.
12 Эгер ачка болсом, сага айтмак эмесмин,Анткени жер жүзү жана андагынын баары меники.+
13 Мен букалардын этин жемек белем,Текелердин канын ичмек белем?+
14 Кудайга курмандык иретинде ыраазычылык билдир,+Эң Жогорку Кудайга берген анттарыңды аткар.+
15 Башыңа кыйынчылык түшкөн күнү мени чакыр.+
Мен сени куткарам, ошондо мени даңктайсың».+
16 Ыймансызга болсо Кудай мындай дейт:
«Мыйзам-осуяттарымды башкаларга айтканга,+Келишимим жөнүндө сүйлөгөнгө кандай укугуң бар?+
17 Анткени сен акыл-насаатты* жек көрүп,Сөздөрүмдү четке кагып жатасың.+
18 Ууруну көргөндө аны жактайсың*,+Ойноштук кылгандарга шериксиң.
19 Оозуңан жаман сөздөр чыгат,Тилиң калптан арылбайт.+
20 Отуруп алып бир тууганыңа каршы сүйлөйсүң,+Өз энеңдин уулунун кемчиликтерин башкаларга айтасың*.
21 Ушунун баарын кылсаң да, унчукпай келдим.
Ошон үчүн мени өзүңдөй көрдүң.
Бирок эми бетиңди ачам,Сага каршы доомду айтам.+
22 Кудайды унуткандар,+ мына ушу жөнүндө ойлонуп көргүлө,Болбосо силерди жок кылам*, куткарып алар эч ким болбойт.
23 Ким мага курмандык иретинде ыраазычылык билдирсе, мени даңктаган болот.+
Ким түз жолдон чыкпаса,Мен аны куткарам».+
Шилтемелер
^ Бул жерде «акыл-насаат» деп которулган сөз түп нускада кеңири мааниге ээ. Аны «жаза, билим, оңдоп-түзөө, үндөө, эскертүү, кеңеш» деп да которсо болот.
^ Же балким: «ага кошуласың».
^ Же: «уулун жамандайсың».
^ Же: «жара тартам».
