Забур 53:1—6
Жетекчиге. Махалат*. Маскил. Дөөтүнүн ыры.
53 Акылсыз адам ичинен:
«Жахаба жок»,— дейт.+
Андай адамдар ыймансыздыкка жаткан иштерди, бузуку, жийиркеничтүү иштерди кылышат.
Жакшылык кылган бир да киши жок.+
2 Бирок арасында Кудайды издеген, түшүнүгү бар бирөө бар бекен деп,+Жахаба адам баласына асмандан көз салып турат.+
3 Алардын баары жолдон адашкан,Баары бирдей бузулган.
Жакшылык кылган эч ким жок,Бир да киши жок.+
4 Эмне, күнөөкөрлөрдүн бири да эч нерсе түшүнбөйбү?
Алар элимди нан жегендей эле жеп-жутуп жатышат.
Алар Жахабадан тиленишпейт.+
5 Бирок аларды чоң коркунуч,Мурун эч качан сезип көрбөгөн коркунуч басат*.
Анткени Кудай сага кол салгандардын сөөктөрүн чачат.
Сен баарын уяткарасың, анткени аларды Жахаба четке какты.
6 Ысрайылга Сиондон+ куткарылуу келсе кана!
Жахаба туткунда жүргөн элин кайтарып келгенде,Жакыптын урпактары сүйүнсүн, Ысрайылдын урпактары кубансын!
