Забур 55:1—23
Жетекчиге. Кыл аспаптардын коштоосунда аткарылат. Маскил. Дөөтүнүн забуру.
55 Оо, Кудай, тиленүүмө кулак сала көр,+Ырайым кылышыңды суранганымды көз жаздымыңда калтырба*.+
2 Мага назар салып, жооп бере көр.+
Тынчымды кетирген ойлордон өзүмдү коёрго жер таппай,+Санаам санга бөлүнүп жатат.
3 Анткени душманым мени коркутуп,Ыймансыз кысым көрсөтүп жатат.
Азабымды арбытып,Мага каарданып, жек көрүп жатышат.+
4 Көөдөнүмдө жүрөгүм сыздап жатат,+Өлүп каламбы деп коркуп да жатам.+
5 Мени коркунуч, калтырак басып,Бүткөн боюм титиреп жатат.
6 Кайра-кайра: «Көгүчкөндүкүндөй канатым болсо кана!
Учуп кетип, коопсуз жакта жашамакмын.
7 Алыска учуп барып,+Чөлдү турак кылмакмын.+ (Села)
8 Долуланган шамалдан, катуу шамалдан качып,Баш калкалоочу жайга шашылмакмын»,— дей берем.
9 Оо, Жахаба, аларды дүрбөлөңгө салып, ойлогон оюн ойрон кыл,+Себеби шаардан зордук-зомбулукту, уруш-талашты көрүп жатам.
10 Алар* күнү-түнү шаардын дубалдарынын үстүндө жүрүшөт,Шаардын ичинде болсо кыянаттык менен кыйынчылык.+
11 Бардык жеринде жамандык,Аянтынан кысымчылык, алдамчылык кетпейт.+
12 Мени мыскылдаган киши душман эмес,+Андайды го көтөрмөкмүн.
Мага каршы чыккан киши жоо эмес,Андан го жашынып калмакмын.
13 Бирок ошол сен болуп чыктың, мендей эле адам*,+Мен жакшы билген жолдошум.+
14 Экөөбүз ынак болчубуз,Эл менен бирге Кудайдын үйүнө барчубуз.
15 Душмандарым кыйратылсын!+
Алар тирүүлөй көргө* түшсүн,Анткени алардын арасында да, жүрөгүндө да жамандык уялаган.
16 Ал эми мен Жахаба Кудайды чакырам,Ал мени куткарат.+
17 Кечинде да, эртең менен да, түштө да тынчым кетип, онтойм*,+Кудай болсо үнүмдү угат.+
18 Мага көптөр каршы чыгып жаткандыктан,Кудай мени алардын соккусунан куткарып, бейпилдик берет.+
19 Байыртан тактыда отурган Кудай+ угуп,Аларга каршы чыгат.+ (Села)
Алар өзгөргүсү келбейт,Кудайдан коркушпайт.+
20 Ал* өзү менен тынчтыкта болгондорго кол салды,+Түзгөн келишимин бузду.+
21 Оозундагы сөздөрү майдан жумшак,+Жүрөгү болсо салгылашты самап турат.
Сөздөрү зайтун майынан жагымдуу,Бирок алар жалаңдаган кылычтай.+
22 Жүгүңдү Жахабага арт,+Ошондо ал сени колдойт.+
Ал адил адамдын кулашына* эч качан жол бербейт.+
23 Кудайым, сен ыймансыздарды терең чуңкурга түшүрөсүң.+
Канга забын болгондор менен алдамчылар өмүрүнүн жарымын да жашабайт.+
Ал эми мен сага таянам.
Шилтемелер
^ Же: «Жардам сурап тиленгенимде, жашынба».
^ Сыягы, зордук-зомбулук менен уруш-талашты билдирет.
^ Же: «мага тең адам».
^ Же: «ичим уйгу-туйгу болот».
^ Б. а. 13, 14-аяттарда айтылган мурунку досу.
^ Же: «теңселе түшүшүнө».
