Забур 57:1—11
Жетекчиге. «Жок кыла көрбө» деген обондун коштоосунда ырдалат. Дөөтүнүн ыры. Миктам. Шабулдан качып, үңкүрдө жашынып жүргөн убакта жазылган.+
57 Ырайым кыл мага, оо, Кудайым, ырайым кыла көр.
Анткени сени баш маана кылдым.+
Кыйынчылыктар артта калгыча канатыңа корголойм.+
2 Мени алардан арылта турган чыныгы Кудайга,Эң Жогорку Кудайга, кайрылам.
3 Ал асмандан жардам берип, мени куткарат,+Мага тишин салгандын оюн таш каптырат. (Села)
Өзүнүн туруктуу сүйүүсүн, ишенимдүүлүгүн көрсөтөт.+
4 Мен арстандардын курчоосунда калдым.+
Мени жеп-жуткусу келгендердин арасында жатам.
Алардын тиштери жебе менен найзадай,Тилдери курч кылычтай.+
5 Оо, Кудай, улуулугуң асмандан да жогоруласын,Даңкың бүт жер жүзүнө тарасын.+
6 Душмандарым бутума тор жайышты,+Кыйналганымдан бүк түштүм.+
Жолума ор казышты,Бирок ага өздөрү түштү.+ (Села)
7 Оо, Кудай, мен бүт жүрөгүм менен сага берилгем,+Бүт жүрөгүм менен берилгем.
Сени даңктап ырдайм, күү аспап чертем.
8 Ойгон, жан дүйнөм*,Ойгон, кыл аспап, ойгон, арфа, сен дагы.
Мен ойготом ак таңды.+
9 Оо, Жахаба, сени элдердин арасында даңазалайм,+Элдердин арасында даңктап ырдайм*.+
10 Анткени туруктуу сүйүүң улуу, асманга жетет,+Берилгендигиң көккө чейин жетет.
11 Оо, Кудай, улуулугуң асмандан да жогоруласын,Даңкың бүт жер жүзүнө тарасын.+
