Забур 58:1—11
-
Жерди соттой турган Кудай бар
-
Кудайдан ыймансыздарды жазалашын сурануу (6—8)
-
Жетекчиге. «Жок кыла көрбө» деген обондун коштоосунда ырдалат. Дөөтүнүн ыры. Миктам.
58 Оо, адамдар, адилдик жөнүндө айтыш керек болгон учурда кантип унчукпай отурасыңар?+
Ушинтип жатсаңар, кантип адилеттүү сот жүргүзөсүңөр?+
2 Силер жамандык кылууну ойлоносуңар,+Жериңерде зордук-зомбулукту жайылтып жатасыңар!+
3 Ыймансыздар төрөлгөнүнөн тартып эле түз жолдон адашкан*,Төрөлгөнүнөн эле тилазар, калпычы.
4 Алардын уусу жыландын уусундай.+
Алар кулагын жаап алган чекир жыландай* дүлөй.
5 Арбаганы канчалык күчтүү болбосун,Ал арбоочулардын үнүн укпайт.
6 Оо, Кудай, алардын тиштерин талкала!
Оо, Жахаба, ал арстандардын* жаагын сындыр!
7 Алар агып кеткен суудай жок болушсун.
Кудай жаасын тартып, жебелери менен аларды сулатсын.
8 Алар жылып баратып кургап калган үлүлдөй болуп калсын.
Күндүн жарыгын эч качан көрбөгөн, бойдон түшүп калган түйүлдүктөй болсун.
9 Казаныңар күйүп жаткан тикенектин табына кызыганча эле,Кудай тикенектин ным сабактарын да, күйүп жатканын да катуу шамал менен учуруп кетет.+
10 Адил адам Кудайдын өч алып жатканын көрүп кубанат,+Анын буту ыймансыздардын канына чыланат.+
11 Ошондо адамдар: «Чынында эле, адил адамга сыйлык берилет экен,+Чынында эле, жерди соттой турган Кудай бар экен»,— деп айтат.+
