Забур 68:1—35
Жетекчиге. Дөөтүнүн ыры.
68 Кудай ордунан турсун, душмандары чачырасын,Аны жек көргөндөр алдынан туш тарапка качсын.+
2 Аларды түтүндөй кылып таратып жиберсең экен.
Ыймансыздар отко эриген момдой болуп,Кудайдын көз алдынан жок болуп кетишсин.+
3 Ал эми адилдер сүйүнүшсүн,+Кудайдын алдында кубанышсын,Сүйүнүп, шаттыкка бөлөнүшсүн.
4 Кудайга арнап ыр ырдагыла, ысмын даңктап ырдагыла*,+Чөлдүү талаалардан өтүп баратканга* арнап ыр ырдагыла,Анын ысмы — Жах*!+ Анын алдында кубангыла!
5 Ыйык турагындагы Кудай+ —
Жетимдердин атасы, жесирлердин коргоочусу.+
6 Кудай жалгыздарды үйлүү-жайлуу кылат,+Туткундарды бошотуп, ийгиликке жеткирет.+
Ал эми өжөрлөр* куйкаланган жерде жашашат.+
7 Оо, Кудай, сен элиңди жетектеп баратканда,+Чөл кезип баратканыңда, (Села)
8 Жер титиреген.+
Кудайдын алдында асмандан жаан жааган,Синай тоосу Кудайдын, Ысрайылдын Кудайынын, алдында солкулдаган.+
9 Оо, Кудай, сен жамгырды мол жаадырып тургансың,Алсырап турган элиңди кайрадан жандандыргансың.
10 Элиң конушуңдагы чатырларда жашаган,+Оо, Кудай, сен жакшылык кылып, жакырларга кам көргөнсүң.
11 Жахаба элине буйрук* берет;Жакшы кабар* айткан аялдар чоң кошуунду түзөт.+
12 Аскерлердин башында турган падышалар да качат,+ алар качышат!
Үйдө отурган аял олжодон үлүш алат.+
13 Силер сыртта оттун тегерегинде эле* жатып жүргөн болсоңор да,Канаттары күмүштөн,Канат жүнү таза* алтындан болгон көгүчкөндүү болосуңар*.
14 Кудурети Чексиз Кудай бул жердеги падышаларды туш тарапка чачыратып жибергенде,+Салмондо кар жааган*.
15 Башан тоосу+ — Кудайдын тоосу*,Башан тоосу — чокулары бийик тоо.
16 Чокулары бийик тоолор,Кудай турагы кылып тандап алган тоого* эмнеге көз артып карайсыңар?+
Жахаба ал тоодо түбөлүк жашайт.+
17 Кудайдын согуш арабалары он миңдеп, миң-миңдеп саналат,+Жахаба Синайдан ыйык жерге келди.+
18 Сен жогоруга көтөрүлдүң,+Туткундарды алып кеттиң,Адамдарды белек катары алдың,+Оо, Жах Кудай, арасында жашаш үчүн атүгүл өжөрлөрдү да алдың.+
19 Жүгүбүздү күн сайын көтөрүп жүргөн Жахаба,+Бизди куткарган чыныгы Кудай даңкталсын. (Села)
20 Чыныгы Кудай — бизди куткарчу Кудай,+Эгедер Теңир Жахаба өлүмдөн куткарат*.+
21 Душмандарынын башын,Күнөө кылып жүрө бергендердин төбөсүн* жанчыйт.+
22 Жахаба: «Аларды Башандан+ кайра алып келем,Деңиздин түбүнөн алып чыгам.
23 Ошондо бутуңду душмандарыңдын канына жууйсуң,+Иттериң алардын канын жалайт»,— деди.
24 Оо, Кудай, алар элиңдин салтанаттуу жүрүштөрүн,Оо, Кудайым, Падышам, ыйык жерге бараткандагы жүрүштөрүн, көрүп жатышат.+
25 Алдыда ырчылар, алардын артында кыл аспап черткендер,+Ортодо дап каккан кыздар баратышат.+
26 Чоң жыйындарда Кудайды даңазалагыла,Ысрайылдын Атасынан* өмүр алгандар, Жахабаны даңктагыла.+
27 Эң кенжеси болгон Бенжеминдин уруусу,+Бака-шака түшкөн топ киши менен бараткан Жүйүт төрөлөрү,Забулун төрөлөрү, Напталы төрөлөрү башкаларды баш ийдирет.
28 Кудайыңдын буйругу боюнча, сен күчтүү болосуң,Оо, Кудай, мурункудай эле биздин пайдабыз үчүн күчүңдү көрсөтө көр.+
29 Иерусалимдеги ибадатканаңа+ арнап,Падышалар сага белек алып келишет.+
30 Элдер сага таазим кылып, күмүш алып келмейинче*,Камыш арасындагы жапайы айбанаттарды,Бир бада бука+ менен алардын торпокторун жоошут.
Согушканды жакшы көргөн элдерди сен чачыратасың.
31 Мисирден* коло буюмдар келет*,+Куштун* эли Кудайга тартуу алып келгенче шашат.
32 Жер жүзүндөгү падышалыктар, Кудайга арнап ыр ырдагыла,+Жахабаны даңктап ырдагыла*! (Села)
33 Ал байыркы асмандын асманында баратат.+
Мына! Анын үнү, кубаттуу үнү күркүрөп жатат.
34 Кудайдын күчтүү экенин аңдап-билгиле.+
Ал Ысрайылдын үстүнөн бийлик жүргүзөт,Асмандан күчүн көрсөтөт.
35 Улуу ыйык жайындагы Кудай кастарлоо сезимин туудурат,+Ал — Ысрайылдын Кудайы.
Ал өз элине кудурет-күч берет.+
Кудайды даңктагыла!
Шилтемелер
^ Же: «күү аспап черткиле».
^ Же балким: «Булуттардын үстүндө баратканга».
^ «Жахаба» деген ысымдын кыскартылган түрү.
^ Же: «козголоңчулар».
^ Б. а. согушка аттангыла деген буйрук.
^ Б. а. жеңиш жөнүндөгү кабар.
^ Же: «кой короодо».
^ Же: «саргыч-жашыл».
^ Бул алардын баалуу металлдардан жасалган көгүчкөндү олжого аларын да билдириши мүмкүн.
^ Же: «кар жаагандай эле болгон».
^ Же: «улуу тоо».
^ Б. а. Сион тоосуна.
^ Бул өлгөндөрдү тирилтүүнү да билдириши мүмкүн.
^ Сөзмө-сөз: «чачтуу төбөсүн».
^ Сөзмө-сөз: «Булагынан».
^ Же балким: «күмүштү тебелемейинче».
^ Египеттен.
^ Эфиопиянын.
^ Же балким: «элчилер келет».
^ Же: «күү аспап черткиле».
