Забур 74:1—23
Маскил*. Асаптын+ ыры.
74 Оо, Кудай, эмнеге бизди түбөлүккө четке кактың?+
Эмнеге жайытыңдагы оторуңа каарың кайнап жатат?+
2 Байыркы убакта эле тандап алган элиңди,+Мурасың катары куткарып алган калкыңды,+Өзүң жашап келген Сион тоосун эстей көр.+
3 Толугу менен талкаланып жаткан жерге назарыңды сал.+
Душман ыйык жериңдегинин баарын кыйратып, талап-тоноп кетти.+
4 Сага сыйынган жайда душмандарыңдын жеңиш урааны угулуп жатат.+
Алар ошол жакка белги катары өз тууларын орнотуп алышкан.
5 Алар жыш токойду балта менен кыйган кишидей эле болушту.
6 Ыйык жайыңдагы оймо-чиймелерди+ балта менен, учтуу сом темир менен бирин калтырбай кыйратышты.
7 Ыйык жайыңды өрттөп жиберишти,+Ысмың менен аталган ыйык чатырды кулатып, арамдашты.
8 Алар өздөрү да, тукумдары да ичинен:
«Кудайдын бул жердеги сыйынуу жайларынын баарын өрттөйбүз»,— дешти.
9 Биз эч кандай белгилерди көрбөй калдык;Пайгамбар да калган жок.
Мунун канчага созуларын арабыздан эч ким билбейт.
10 Оо, Кудай, кас тарап качанкыга чейин шылдыңдай берет?+
Душман ысмыңа түбөлүккө тил тийгизе береби?+
11 Эмнеге оң колуңду чыгарбай жатасың?+
Колуңду койнуңан чыгарып, аларды жок кыл.
12 Кудайым, сен байыртан берки Падышамсың,Кызматчыларыңды сактап каласың.+
13 Деңизди күч-кубатың менен толкуткансың,+Суулардагы алп жаныбарлардын башын жанчыгансың.
14 Лебиатандын* башын* жанчыгансың,Аны чөлдүү аймактарда жашаган адамдарга азык кылып бергенсиң.
15 Сен булактарга, дарыяларга жол ачкансың,+Соолубас дарыяларды какшыткансың.+
16 Күн да, түн да сага таандык,Жарык менен күндү сен жараткансың.+
17 Жердин бардык чектерин белгилегенсиң,+Жай менен кышты жараткансың.+
18 Оо, Жахаба, душмандын шылдыңын,Акылсыз элдин ысмыңа тил тийгизгенин эстей көр.+
19 Бактегиңди жырткычтарга салып бербе,Бечара элиңди биротоло унутпа.
20 Биз менен түзгөн келишимиңди эсте,Анткени жердеги караңгы бурчтар зөөкүрлөрдүн уюгуна айланды.
21 Мүңкүрөп калган адамдын көңүлү кайт болбосун,+Бей-бечара менен жакыр сенин ысмыңды даңктасын.+
22 Ордуңан тур, оо, Кудай, сотто өзүңдү корго.
Акылсыздын сени күнү бою шылдыңдаганын эсте.+
23 Душмандарыңдын эмне деп жатканын унутпа,Сага каршы чыккандардын чуусу басылбай, асманга көтөрүлүп жатат.
