Забур 76:1—12
Жетекчиге. Кыл аспаптардын коштоосунда аткарылат. Асаптын+ ыры.
76 Жүйүт жериндеги эл Кудайды билет,+Анын ысмы Ысрайылда улуу.+
2 Анын турагы Салимде,+Жашаган жери Сиондо.+
3 Кудай ошол жерде оттуу жебелерди, калканды,Кылыч менен башка согуш куралдарын талкалаган.+ (Села)
4 Сен жарык чачып турасың*;Жырткычтар байырлаган тоолордон алда канча улуксуң.
5 Эр жүрөктөр таланып-тонолду,+Алар набыт болду*,Жоокерлердин баары алдан-күчтөн тайып калышты.+
6 Оо, Жакыптын Кудайы, сен кыйкырганда,Арабачан жоокерлер да, аттар да кырылып калды.+
7 Сен гана кастарлоо сезимин туудурасың.+
Катуу каарыңа ким туруштук бере алат?+
8 Асмандан өкүмүңдү жарыяладың;+Жер коркуп, үн катпай калды,+
9 Анткени Кудай сот өкүмүн ишке ашырыш үчүн,Жер жүзүндөгү мүнөзү жумшактардын баарын куткарыш үчүн ордунан турду.+ (Села)
10 Адамдардын каарданганы даңкталышыңа шарт түзөт,+Атүгүл алардын каарданып жатып кылган акыркы иши аркылуу да өзүңдү даңктап коёсуң.
11 Жахаба Кудайыңарга ант берип, аны аткаргыла,+Тегерегиндегилердин баары аны кастарлап, белек алып келишсин.+
12 Ал текебер жол башчыларды момун болгонго мажбур кылат,Жер жүзүнүн падышаларын сестентет.
