Забур 8:1—9
Жетекчиге. Гиттит*. Дөөтүнүн ыры.
8 Оо, Жахаба Теңирибиз, сенин ысмың жер жүзү боюнча кандай улуу!
Сен улуулугуңду асмандан да жогору көтөрдүң*!+
2 Сага каршы чыккан мыкаачы душманыңдын жаагын жап кылыш үчүн,Жаш балдар менен наристелердин+ сөзү аркылуу күчүңдү көрсөттүң.
3 Мен асманды, колуңдан бүткөн нерселерди*,Сен жараткан ай менен жылдыздарды караганымда:+
4 «Сен эстеп жүргүдөй, ажалдуу адам ким болуп калыптыр?
Сен кам көргүдөй, адам баласы ким болуп калыптыр?» — деп ойлоном.+
5 Сен аны периштелерден* бир аз төмөн кылып жараткансың,Аны даңк менен урмат-сыйга бөлөгөнсүң.
6 Ага колуңан бүткөндүн баарынын үстүнөн бийлик бергенсиң,+Баарын ага баш ийдиргенсиң.
7 Майда мал менен бодо малдын баарын,Жапайы жаныбарларды да,+
8 Асмандагы канаттууларды, деңиздеги балыктарды,Деңизде сүзүп жүргөн жандыктарды да — баарын ага баш ийдиргенсиң.
9 Оо, Жахаба Теңирибиз, сенин ысмың бүт жер жүзү боюнча кандай улуу!
Шилтемелер
^ Же балким: «Улуулугуң асмандан да жогору жар салынган».
^ Же: «манжаларыңдын иштерин».
^ Же: «кудай сыяктуулардан».
