Забур 80:1—19
Жетекчиге. «Лилиялар» деген обондун коштоосунда ырдалат. Эскертип туруш үчүн жазылган. Асаптын+ ыры.
80 Жусуптун элин отордой кылып жетектеп жүргөндүн өзү,+Ысрайылдын Койчусу, кулак сала көр.
Керуптардын* үстү жагында* тактыда отургандын өзү,+ жаркыра.
2 Эпрайымдын, Бенжеминдин, Менашенин алдындаКудуретиңди көрсөт,+Келип, бизди куткара көр.+
3 Оо, Кудай, бизди кайра кабыл ал,+Ырайым кылып, бизди куткар.+
4 Оо, асман аскерлеринин Кудайы Жахаба, элиңе качанга чейин ачууланып, тиленгенин укпайсың?+
5 Сен аларды нандын ордуна көз жашка тойгуздуң,Аларга көз жашты ченемсиз жуткуздуң.
6 Коңшуларыбыздын бизди бийлеп алыш үчүн өз ара талашышына жол бердиң,Душмандарыбыз бизди каалашынча шылдыңдап жатышат.+
7 Оо, асман аскерлеринин Кудайы, бизди кайра кабыл ал,Ырайым кылып, бизди куткар.+
8 Элиңди Мисирден жүзүм сабагындай кылып алып келдиң,+Анан элдерди жеринен кууп чыгып, ал жакка өз элиңди отургуздуң,+
9 Ал үчүн жерди даярдап, тазаладың.
Ал тамыр байлап, ошол жердин баарына жайыла өстү.+
10 Анын көлөкөсү тоолорго түштү,Бутактары Кудай отургузган бал карагайларды жаап калды.
11 Ал бутактарын деңизге чейин,Жаш бутактарын дарыяга* чейин жайды.+
12 Жүзүмзардын таш дубалдарын эмнеге ураттың?+
Жанынан өткөндөрдүн баары мөмөлөрүн үзүп кетип жатышат.+
13 Аны токойдогу камандар кыйратып,Талаа жаныбарлары талап жеп жатат.+
14 Оо, асман аскерлеринин Кудайы, бизге кайрылып кел.
Асмандан назарыңды салып, эмне болуп жатканын көр!
Ушул жүзүмгө кам көрө көр,+
15 Оң колуң отургузган жүзүмдү* багып-карай көр,+Өз даңкың үчүн өзүң күчтүү кылган уулуңа* көз кырыңды сала көр.+
16 Жүзүм өрттөлүп,+ кыйылды,Жемеңден улам элиң жок болуп баратат.
17 Сенин колуң оң тарабыңдагы кишини колдосун,Өз даңкың үчүн өзүң күчтүү кылган адам уулун колдосун.+
18 Ошондо сенден баш тартпайбыз,Сени ысмыңдан чакырышыбыз үчүн, бизди сактап кал.
19 Оо, асман аскерлеринин Кудайы Жахаба, бизди кайра кабыл ал,Ырайым кылып, бизди куткар.+
Шилтемелер
^ Жогорку даражалуу периштелердин.
^ Же балким: «ортосунда».
^ Евфратка.
^ Же: «жүзүмдүн сөңгөгүн».
^ Же: «бутакка».
