Забур 81:1—16
Жетекчиге. Гиттит*. Асаптын+ ыры.
81 Күч-кубатыбыздын булагы болгон Кудайдын алдында шаттангыла,+Жакыптын Кудайынын алдында шаттана кыйкыргыла.
2 Ырдаш үчүн күү чертип, дап каккыла,Мукам үндүү арфада, кыл аспапта ойногула.
3 Ай жаңырганда, ай толгондо,Бизде майрам болгон күнү+ мүйүз сурнай тарткыла.+
4 Анткени бул — Ысрайылга берилген мыйзам,Жакыптын Кудайы берген буйрук.+
5 Кудай Мисир жерине каршы чыкканда+Ошол буйругун Жусупка эскертме катары берген.+
Мен мындай деген бейтааныш үндү* уктум:
6 «Анын ийниндеги жүктү алып салдым,+Колдору кулдар көтөрчү себеттен бошоду.
7 Кыйналганыңда мени чакырдың эле — куткардым,+Коюу кара булуттун ичинен жооп бердим,+Мериба* сууларынын жанынан сени сынадым.+ (Села)
8 Оо, элим, кулак сал, сага каршы күбөгө өтөм;Оо, Ысрайыл, мени уксаң кана!+
9 Ошондо араңарда башка кудай болмок эмес,Бөлөк элдин кудайына таазим кылбайт болчусуң.+
10 Мен, Жахаба, сенин Кудайыңмын,Сени Мисир жеринен алып чыккан менмин.+
Оозуңду чоң ач, сени тойгузайын.+
11 Бирок менин элим үнүмдү укпай койду,Ысрайыл мага моюн сунбай койду.+
12 Ошон үчүн алардын өжөрлөнүп, жүрөгүнө жетеленип жашашына жол бердим,Эмнени туура дешсе, ошону кылышты.+
13 Элим мени укса кана!+
Ысрайыл менин жолумда жүрсө кана!+
14 Анда мен аларга душмандарын тез эле моюн сундурмакмын,Колумду алардын жоосуна каршы сунмакмын.+
15 Жахабаны жек көргөндөр анын алдына бүжүрөп келишет,Алар түбөлүккө жок болушат*.
16 Ал эми сени* буудайдын мыктысы менен азыктандырам,+Аскадан алынган балга тойгузам».+
Шилтемелер
^ Же: «бейтааныш тилде мындай дегенди».
^ Мааниси: «чыр-чатак, талаш, келишпестик».
^ Же: «Алардын жазасы түбөлүккө созулат».
^ Сөзмө-сөз: «аны». Б. а. Кудайдын элин.
