Забур 82:1—8
Асаптын+ ыры.
82 Кудай жыйынында өзүнүн ордуна турат,+Ал кудайлардын* арасында сот жүргүзүп, мындай дейт:+
2 «Качанга чейин силер адилетсиз сот жүргүзүп,+Ыймансыздарды жактайсыңар?+ (Села)
3 Бей-бечараны, жетимди коргогула*,+Алсыз менен жакырга адилеттик кылгыла.+
4 Бечараны, жардыны куткаргыла,Ыймансыздардын колунан бошоткула».
5 Алар* билишпейт да, түшүнүшпөйт да,+Караңгылыкта жүрүшөт;Адилеттик жок, мыйзамдарды тоготушпайт*.+
6 «Мен өзүм*: „Силер кудайларсыңар*,+Баарыңар тең Эң Жогорку Кудайдын уулдарысыңар.
7 Бирок силер башка адамдардай эле өлөсүңөр;+Төрөлөрдүн баарындай эле жок болосуңар!“ — дедим».+
8 Ордуңан тур, оо, Кудай, жерди сотто,+Анткени бардык элдер сага таандык.
Шилтемелер
^ Же: «кудай сыяктуулардын».
^ Же: «Бей-бечаранын, жетимдин ишин териштиргиле».
^ Б. а. 1-аятта айтылган «кудайлар».
^ Сөзмө-сөз: «Жердин бүт пайдубалдары солкулдап жатат».
^ Б. а. Кудай.
^ Же: «кудай сыяктуусуңар».
