Забур 83:1—18
Асаптын+ ыры.
83 Оо, Кудай, унчукпай койбо,+Үн катпай, жөн тура бербе, оо, Кудай.
2 Мына, душмандарың дүрбөп,+Сени жек көргөндөр текебердик кылып жатышат*.
3 Митаамдык менен элиңе каршы жең ичинен сүйлөшүп жатышат,Сен баалап-барктагандарга каршы кеңешип жатышат.
4 Алар: «Жүргүлө, ысрайыл элин кырып салалы,+Ал элдин аты экинчи эскерилгис болсун»,— деп жатышат.
5 Биригип алып амал ойлоп жатышат,Сага каршы шериктештик* түзүштү:+
6 Эдомдуктар, Ысмайылдын тукумдары, мааптыктар,+ агрылыктар,+
7 Гебалдыктар, Амондун тукумдары,+ Амалыктын тукумдары,Пелиштиликтер,+ Тирдин+ тургундары шериктештик түзүштү.
8 Ашур*+ да аларга кошулду,Алар Лоттун урпактарына*+ колдоо көрсөтүштү. (Села)
9 Мидиандыктарга,+ Сисерага кылганыңды,Кишон өзөнүндө* Жабинге кылганыңды аларга да кыл.+
10 Алар Эн-Дордо+ жок кылынган,Жерге чачылган кыктай болуп калган.
11 Аттуу-баштууларына Ореп менен Зепке+ кылганыңды,Төрөлөрүнө* Зебак менен Залмунга+ кылганыңды кыл.
12 Себеби алар: «Кудай турак кылган жерлерди ээлеп алалы»,— дешкен.
13 Оо, Кудайым, аларды куюн учурган коко тикендей*,+Шамал учурган самандай кыл.
14 От токойду өрттөгөндөй,Жалын тоолорду жалмагандай,+
15 Сен да аларды бороонуң менен кубала,+Катуу шамалың менен үрөйүн учур.+
16 Оо, Жахаба, алардын жүзүн жер карат,Сени ысмыңдан чакыргандай болушсун.
17 Алар уят болуп, биротоло коркуп калышсын,Маскара болуп, тыптыйпыл болушсун.
18 Элдер сенин ысмың Жахаба экенин,+Бүт жер үстүнөн бийлик кылган Эң Жогорку Кудай жалгыз сен экениңди билсин.+
Шилтемелер
^ Же: «сага каршы баш көтөрүп жатышат».
^ Же: «келишим».
^ Ассирия.
^ Б. а. мааптыктар менен Амондун тукумдарына.
^ Же: «Кургап калган Кишон дарыясынын нугунда».
^ Же: «Башчыларына».
^ Же: «камгактай».
