Забур 86:1—17
Дөөтүнүн тиленүүсү.
86 Оо, Жахаба, мага кулак салып*, жооп бере көр,Анткени мен бир байкуш бечарамын.+
2 Жанымды сактай көр, анткени сага берилгендигимди сактайм.+
Өзүңө таянган кызматчыңды куткара көр,Себеби сен менин Кудайымсың,+
3 Мага ырайым кыл, оо, Жахаба,+Себеби күнү бою сага жалбарам.+
4 Кызматчыңды кубандыр,Анткени, оо, Жахаба, сага таянам.
5 Оо, Жахаба, сен жакшылык кыласың,+ кечиргенге даярсың,+Өзүңдү чакыргандардын баарынан туруктуу сүйүүңдү аябайсың.+
6 Оо, Жахаба, тиленүүмө кулак сал,Жардам сурап зарлаганыма назар сал.+
7 Кыйналган күнү сени жардамга чакырам,+Анткени мага жооп бересиң.+
8 Оо, Жахаба, башка кудайлардын арасында сага тең келе турган эч ким жок,+Сен жасагандай иштерди эч ким жасай албайт.+
9 Оо, Жахаба, өзүң жараткан бардык элдер келип,Сага таазим кылышат,+Ысмыңды даңкташат.+
10 Анткени сен улуусуң, кереметтүү иштерди жасайсың,+Сен гана, жалгыз сен гана Кудайсың.+
11 Оо, Жахаба, мага жолуңда жүргөндү үйрөт.+
Мен сенин чындык жолуңда жүрөм.+
Ысмыңды урматташым үчүн, жүрөгүмдү бир бүтүн кыл*.+
12 Оо, Жахаба Кудайым, сени бүт жүрөгүм менен даңазалайм,+Ысмыңды түбөлүккө даңктайм.
13 Анткени мага көрсөткөн туруктуу сүйүүң улуу,Сен мени көрдүн* түбүнөн сактадың.+
14 Оо, Кудай, менменсингендер мага каршы чыгып,+Зөөкүрлөрдүн тобу жанымды алууну көздөп жатышат,Алар сени такыр урматташпайт.+
15 Бирок сен, оо, Жахаба, ырайымдуу, боорукер,Сабырдуу*, сүйүүсү* чексиз, ишеничтүү Кудайсың.+
16 Мага назар салып, ырайым кыла көр.+
Кызматчыңа күч-кубат бер,+Күңүңдүн уулун куткара көр.
17 Мени жакшы көрөрүңдүн жышаанын* көрсөт,Мени жек көргөндөр аны көрүп, уят болушсун.
Анткени сен, оо, Жахаба, менин жардамчымсың, сооротуучумсуң.
Шилтемелер
^ Же: «эңкейип, мени угуп».
^ Же: «Ысмыңдан коркушум үчүн, бөлүнбөгөн жүрөк бер».
^ Сөзмө-сөз: «Ачууланганга шашпаган».
^ Же: «туруктуу сүйүүсү».
^ Же: «далилин».
