Забур 9:1—20
Жетекчиге. Мут-лаббен*. Дөөтүнүн ыры.
א [Алеф]*
9 Оо, Жахаба, сени бүт жүрөгүм менен даңктайм,Бардык кереметтүү иштериңди жар салам.+
2 Сен бар үчүн кубанып-шаттанам,Оо, Эң Жогорку Кудай, ысмыңды даңктап ырдайм!+
ב [Бет]
3 Душмандарым чегинип,+Көз алдыңда мүдүрүлүп жыгылып, өлүшөт.
4 Анткени акыйкаттык болушу үчүн, сен мени коргоп жатасың;Сен өз тактыңда отуруп, адилеттүү сот жүргүзөсүң.+
ג [Гимел]
5 Элдерди айыптадың,+ ыймансызды жок кылдың,Алардын атын түбөлүккө, биротоло өчүрдүң.
6 Душмандар биротоло жок болушту;Сен алардын шаарларын жер менен жексен кылдың,Аларды эми эч ким эстебейт.+
ה [Хе]
7 Жахаба болсо өз тактысында түбөлүккө отурат,+Дайыма адилеттүү сот жүргүзүш үчүн бийлик кылат.+
8 Жер жүзүндөгү адамдарды адилеттүү соттойт,+Элдердин ишин акыйкаттык менен териштирет.+
ו [Вав]
9 Жахаба кысымга алынгандар үчүн коопсуз баш паана* болот,+Кыйын-кысталыш учурда коопсуз баш паана болот.+
10 Ысмыңды билгендер сага таянышат,+Анткени сен, Жахаба, өзүңдү издегендерди эч качан таштабайсың.+
ז [Зайин]
11 Сиондо жашаган Жахабаны даңктап ырдагыла,Элдер арасында анын иштерин жарыялагыла.+
12 Ал эзилгендерди эсинен чыгарбайт, алардын каны үчүн өч алат,+Алардын жардам сурап зарлаганын унутпайт.+
ח [Хет]
13 Оо, Жахаба, мага ырайым кыл! Мени жек көргөндөрдүн айынан тарткан азабыма назар сал,Мени өлүмдөн* сактап келаткан бир өзүңсүң.+
14 Ошондо даңкка татыган иштериңди жар салам,Сион шаарынын* дарбазасынын алдында жарыялайм,+Мени куткарганыңа кубанам.+
ט [Тет]
15 Элдер өзүлөрү казган орго түштү,Жашыруун жайган торуна өздөрүнүн буту чырмалды.+
16 Жахаба элдерге ишке ашырган өкүмдөрү менен таанылат,+Ыймансыздын жасаган иши өзүнө тузак болот.+
(Игайон*. Села)
י [Йод]
17 Ыймансыз адамдар көргө* түшөт,Кудайды унуткан элдердин баары көргө түшөт.
18 Ал эми жакырлар дайыма эле унутта кала бербейт,+Мүнөзү жумшактардын үмүтү таш каппайт.+
כ [Каф]
19 Оо, Жахаба, ордуңан тур!
Ажалдуу адамдын үстөмдүк кылышына жол бербе.
Элдерди иштерине жараша сотто.+
20 Оо, Жахаба, алардын үрөйүн учур,+Алар өздөрүнүн тек гана ажалдуу пенде экенин билишсин. (Села)
Шилтемелер
^ Бул забур еврей тилинин алфавити боюнча акро ыр түрүндө жазылган. (Салыштыр: Жеремиянын ыйы 1:1.) Сөздүктү кара.
^ Же: «качып бара турган тоо».
^ Сөзмө-сөз: «өлүм дарбазасынан».
^ Сөзмө-сөз: «кызынын».
