Забур 90:1—17
Чыныгы Кудайдын кишиси Мусанын тиленгени.+
90 Оо, Жахаба*, сен муундан муунга баш калкалаар жайыбыз* болуп келесиң.+
2 Тоолор туула электе эле,Жер менен дүйнөнү жарата элегиңде эле сен Кудай болчусуң.+
Сен түбөлүктөн түбөлүккө Кудайсың.+
3 Ажалдуу адамды кайрадан топуракка кайтарасың,«Адам баласы, топуракка кайт»,— дейсиң.+
4 Сенин көз алдыңда миң жыл кечээки өтүп кеткен күндөй эле,+Бир нече сааттай эле*.
5 Сен адамдарды шыпырып таштайсың;+ алар түш сыяктуу эле жок болушат.
Эртең менен алар өсүп чыккан көк чөптөй.+
6 Ал чөп эртең менен көгөрүп, гүлдөйт,Кечинде болсо солуп, куурап калат.+
7 Биз да сенин ачууңдан кырылып жатабыз,+Каарыңдан үрөйүбүз учту.
8 Сен күнөөлөрүбүздү көз алдыңа койдуң*,+Жашыруун иштерибизди жаркыраган жүзүңдүн алдына койдуң.+
9 Жаалыңдан улам күндөрүбүз бүтүп баратат,Бир үшкүргөндөй эле, жылдарыбыз тез түгөнүп баратат.
10 Өмүрүбүздүн узактыгы жетимиш жыл,Адаттагыдан күүлүү-күчтүү болсок, сексен+ жыл,Бирок ал жылдар кыйынчылык менен кайгы-капага толгон.
Өмүрүбүз зуулдап өтүп, жок болобуз.+
11 Сенин ачууңдун күчүн ким биле алат?
Сенин алдыңда туюшубуз керек болгон коркуу сезими кандай күчтүү болсо, каарың да ошондой күчтүү.+
12 Акылдуу жүрөккө ээ болушубуз үчүн,Бизге күндөрүбүздү туура пайдаланганды* үйрөт.+
13 Кайрылып кел, оо, Жахаба!+ Сени качанга чейин күтөбүз?+
Кызматчыларыңды аяй көр.+
14 Өмүр бою кубанып-шаттанып+ жашашыбыз үчүн,Эртең менен туруктуу сүйүүңө кандыра көр.+
15 Бизди кыйынчылык тарттырган күндөрүңдүн,Азап тарткан жылдарыбыздын санына жараша+ кубант.+
16 Жакшы иштериңди кызматчыларың,Улуулугуңду алардын балдары көрсө экен.+
17 Жахаба Кудайыбыз бизге ырайым кылса экен.
Кылган иштерибизге ийгилик бере көр,Ооба, иштерибизге ийгилик бере көр.+
Шилтемелер
^ Же балким: «турагыбыз».
^ Же: «Түнкү күзөт маалындай эле». Сыягы, күзөт маалы күн баткандан күн чыкканга чейинки убактын үчтөн бир бөлүгүн же, жыл мезгилине жараша, болжол менен 4 саатты түзгөн.
^ Же: «билесиң».
^ Же: «күндөрүбүздү эсептегенди».
