Забур 96:1—13
96 Жахабага арнап жаңы ыр ырдагыла.+
Бүт жер жүзү, Жахабаны даңктап ырда!+
2 Жахабаны мактап ырдагыла, анын ысмын даңктагыла.
Анын кантип куткарары жөнүндөгү жакшы кабарды күнүгө жарыялагыла.+
3 Элдердин арасында анын даңкын,Бүт элдердин арасында кереметтүү иштерин жар салгыла.+
4 Анткени Жахаба — улуу Кудай, даңкка баарынан да ал татыктуу.
Башка кудайлардын баарынан сүрдүү.
5 Бардык элдердин кудайлары — пайда-батасы жок кудайлар,+Жахаба болсо асманды жараткан Кудай.+
6 Ал улуулук* менен көрккө бөлөнгөн,+Күч менен сулуулук анын ыйык жайында.+
7 Уруулар, Жахабаны даңазалагыла,Даңкы менен күч-кубаты үчүн Жахабаны алкагыла.+
8 Жахабага анын ысмы татыктуу болгон даңкты ыйгаргыла,+Белек алып, анын короолоруна киргиле.
9 Жахабага ыйык кийимчен* сыйынгыла*,Бүт жер жүзү, анын алдында титире!
10 Элдер арасында: «Жахаба падыша болду!+
Ал жерди бекем орноткон, жер эч качан козголбойт.
Ал элдерди калыс соттойт»,— деп жар салгыла.+
11 Асман кубансын, жер шаттансын.
Деңиз менен андагынын баары күркүрөсүн.+
12 Талаа менен андагынын баары сүйүнсүн.+
Токойдогу бардык дарактар кубанычтуу үн салсын.+
13 Жахабанын алдында ошентишсин, анткени ал келатат*,Жерди соттогону келатат.
Ал жерди адилеттик менен соттойт,+Элдердин ишеничтүү соту болот.+
Шилтемелер
^ Же: «кадыр-барк».
^ Же балким: «улуу ыйыктыгы үчүн».
^ Же: «таазим кылгыла».
^ Же: «келди».
