Закарыя 10:1—12
10 «Жазгы жамгыр жаай турган убакта Жахабадан жамгыр сурагыла.
Анткени кара булутту жараткан,Адамдарга жаан жаадырган,+Бардыгы үчүн талаага өсүмдүк өстүргөн — Жахаба.
2 Буркандар* болсо калп* айтат,Төлгөчүлөр жалган аян көрүп,Пайдасы жок түштөрдү айтышат,Алардын жубатканы куру бекер.
Ошондуктан эл койдой чачырап кетет,Койчусу жок болгондуктан кыйналат.
3 „Койчуларга каарым кайнады,Элди эзген жол башчыларды жоопко тартам“.
Асман аскерлеринин Кудайы Жахаба өз оторуна,+ жүйүт элине, назарын салып,Аларды майдандагы мыкты атындай кылды.
4 Алардан башчы*,Башкаруучу* чыгат,Жоокерлердин жаасы,Көзөмөлчүлөр чыгат, баары алардан чыгат.
5 Алар согушта көчөдөгү баткакты тебелеген жоокерлердей болушат.
Жахаба аларды колдогондуктан, согушушат,+Ошондо душмандарынын атчандары уят болушат.+
6 „Мен жүйүт элин баарынан өйдө кылам,Жусуптун тукумдарын куткарам.+
Аларга кайрымдуулук кылып,+Мекенине кайтарып келем.
Ошондо мен аларды эч качан четке какпагандай болушат.+
Анткени мен Жахабамын, алардын Кудайымын, алардын тилегин угам“.
7 Эпрайымдын урпактары күчтүү жоокердей болушат,Жүрөктөрү шарап ичкендегидей кубанычка толот.+
Муну көрүп, балдары сүйүнүшөт,Жахабанын кылгандарын ойлоп кубанышат.+
8 „Мен ышкырып, аларды чогултам,Кунун төлөп, боштондукка чыгарам.+
Алардын саны өсүп, көбөйгөндөн көбөйө беришет.
9 Аларды элдердин арасына үрөн сепкендей чачсам да,Алыс жакта жүрүп мени эстешет;Балдары менен бирге кайрадан жанданып, кайтып келишет.
10 Аларды Мисир* жеринен кайра алып келем,Ашурдан* чогултуп келем;+Гилат жери+ менен Лебанонго* алып келем,Бирок ал жерлер да аларга тардык кылат.+
11 Алардын жолун деңиз торосо,Ага алаамат түшүрөм да, өтүп кетем,+Толкундарын кыйратам.
Ал эми жолун Нил торосо, терең сууларын какшытам.
Текебер Ашурду басынтам,Мисирдин падыша таягы жок болот.+
12 Мен, Жахаба, аларды баарынан жогору кылам,+Алар менин ысмымды даңктагыдай жашашат*“,+— дейт Жахаба».
Шилтемелер
^ Же: «адаттан тыш нерселерди». Сыягы, бул сыйкырчылыкка жаткан, табияттан тыш нерселерди билдирет.
^ Сөзмө-сөз: «бурчтагы мунара». Бул маанилүү кызмат аткарган кадыр-барктуу кишини билдирет.
^ Сөзмө-сөз: «Казык». Бул колдоп, жөлөп-таяган кишини билдирет.
^ Египет.
^ Ассириядан.
^ Ливанга.
^ Же: «ысмым менен жүрүшөт».
