Закарыя 13:1—9
13 Ошол күнү Дөөтүнүн урпактары менен Иерусалимдин тургундарын күнөөлөрү менен ыпыластыгынан тазалаш үчүн кудук казылат.+
2 „Ошол күнү,— дейт асман аскерлеринин Кудайы Жахаба,— мен бул жерден буркандардын атын өчүрөм,+ аларды экинчи эч ким эстебейт. Ошондой эле бул жерден жалган пайгамбарларды,+ менин көз алдымда арам нерселердин кылынышына себепкер болгондорду жок кылам.
3 Эгер кайсы бир киши дагы деле пайгамбарлык кыла турган болсо, аны жарык дүйнөгө алып келген ата-энеси ага: “Сен өлөсүң, анткени Жахабанын атынан калп айтып жатасың”,— дешет. Анан жарык дүйнөгө алып келген ата-энеси аны пайгамбарлык кылганы үчүн сайып өлтүрөт.+
4 Ошол күнү пайгамбарлардын ар бири өзүнүн пайгамбарлык аяны үчүн уят болот, ошондон кийин алар башкаларды алдаш үчүн пайгамбарлар кийчү түктүү кийимин кийбей калышат.+
5 Алардын ар бири: “Мен пайгамбар эмесмин, дыйканмын, мени жаш кезимде бирөө кул кылып сатып алган”,— дейт.
6 Эгер кимдир бирөө андан: “Анда денеңдеги* жарааттар эмне болгон жарааттар?” — деп сураса, ал: “Мени досторумдун* үйүндө сабашты”,— деп айтат“».
7 «Кылыч, менин койчума,+Менин жакыныма каршы сунул,— дейт асман аскерлеринин Кудайы Жахаба.—
Койчуну өлтүр,+ отордогу койлор туш-тушка чачырап кетсин.+
Мен эч нерсеге татыбагандарды тартипке салам».
8 Жахаба мындай дейт:
«Жер бетиндегилердин үчтөн эки бөлүгү кырылып, жок кылынат,Үчтөн бир бөлүгү гана аман калат.
9 Ошол үчтөн бир бөлүгүн отко салам,Аларды күмүштү эритип-тазалагандай тазалайм,Алтынды текшергендей текшерем.+
Алар мени атымдан чакырып, тиленишет,Мен аларга жооп берем.
„Булар — менин элим“,— дейм.+
Алар болсо: „Жахаба — биздин Кудайыбыз“,— дешет».
Шилтемелер
^ Сөзмө-сөз: «эки колуңдун ортосундагы». Б. а. көкүрөгүндөгү же жонундагы жарааттар.
^ Же: «мени жакшы көргөндөрдүн».
