Закарыя 9:1—17
9 Кудайдын кабары:
«Жахабанын Хадрах жерине каршы айткан сөзү.
Бул сөз, негизинен, Дамаскка тиешелүү.+
Себеби Жахаба адамзатка,Ысрайылдын бардык урууларына да көз салып турат.+
2 Анын сөзү жакын жерде жайгашкан Хамат+ жерине да,Өтө акылдуу Тир+ менен Сидонго+ да тиешелүү.+
3 Тирдин эли өзүнө чеп курду,Күмүштү топурактай кылып,Алтынды көчөдөгү баткактай кылып үйүп алды.+
4 Бирок Жахаба алардын мүлкүн тартып алып,Аскерин деңизде кыйратат*.+
Шаарын от жалмайт.+
5 Муну көрүп, Ашкелондун элинин үрөйү учат,Газанын тургундары катуу кыйналат.
Экрондун эли да катуу кыйналат, себеби анын үмүтү таш кабат.
Газанын падышасы жок болот,Ашкелон ээн калат.+
6 „Азотто* бөтөн жерлик жашайт,Мен пелиштиликтин текеберденгенин токтотом.+
7 Анын оозундагы кан болгон нерселерди,Тиштеринин арасындагы жийиркеничтүү тамактарды алып чыгам“.
Ал аман калып, Кудайыбызга таандык болот.
Ал Жүйүт жеринде шайыктай* болот,+Экрондун тургундары жебустуктардай болот.+
8 „Мен үйүмдү коргош үчүн күзөтчүгө окшоп жанына чатыр тигем,+Ошондо ага бир да душман кирип-чыкпайт.
Мындан ары аны эзүүчү* аралап жүрбөйт,+Анткени муну* өз көзүм менен көрүп турам.
9 Кубанып-шаттан, Сиондун эли!
Салтанат куруп кыйкыр, Иерусалимдин эли!
Мына, падышаңар келатат.+
Ал адил, ал куткарат*.
Ал момун;+ эшек минип,Кодик* минип келатат.+
10 Мен Эпрайымдын согуш арабаларын,Иерусалимдин аттарын тартып алам,Жааларды да тартып алам.
Ал элдерге тынчтыкты жар салат,+Деңизден деңизге чейин,Дарыядан* жердин учу-кыйырына чейин башкарат.+
11 Сен жөнүндө айта турган болсом, оо, Сион*,Ортобузда түзүлгөн, кан менен бекитилген келишимге ылайык,Түрмөдө отургандарыңды суусу жок чуңкурдан алып чыгам.+
12 Түрмөдө отургандар, үмүтү барлар, чепке кайтып келгиле.+
Сион, бүгүн сага мындай деп айтып жатам:
“Сага эки эсе көп үлүш берем.+
13 Мен Жүйүттү жаамдай кылып ийип,Ага Эпрайымды жебедей кылып тартам.
Сион, уулдарыңды ойготуп,Грециянын уулдарына каршы чыгарам.
Сени жоокердин кылычындай кылам”“.
14 Жахаба өзүнүн эли менен экенин айкын көрсөтөт,Анын жебеси чагылгандай тез учат.
Эгедер Теңир Жахаба мүйүз сурнай тартат,+Ал согушка түштүктөн соккон катуу шамал менен жөнөйт.
15 Асман аскерлеринин Кудайы Жахаба элин өзү коргойт,Алар салмоор менен таш ыргыткан душмандарын жеңет.+
Алар кубанып, шарап ичкендей көңүлдөрү көтөрүлүп кыйкырышат.
Шарапка толгон чөйчөк сымал,Курмандык жайынын бурчтарына төгүлгөн кан сыяктуу болушат.+
16 Ошол күнү Жахаба Кудайы аларды,Өзүнүн оторун, өз элин, сактайт.+
Алар анын жеринде таажынын таштарындай жаркырап турушат.+
17 Анын жакшылыгы,+Анын сулуулугу кандай зор!
Уландары данга,Кыздары жаңы шарапка тоюп, гүлдөшөт».+
Шилтемелер
^ Же балким: «деңизге чөктүрүп кыйратат».
^ Ашдоддо.
^ Сыягы, элинин азап тартканын.
^ Же: «көзөмөлчү».
^ Же: «жеңүүчү; куткарды».
^ Же: «Эркек кодик».
^ Евфраттан.
^ Же балким: «Иерусалим». Сөзмө-сөз: «сен».
