Корунттуктарга 1-кат 12:1—31
12 Бир туугандарым, Кудайдан берилген белектер*+ жөнүндө да билишиңерди каалайм.
2 Өзүңөр билгендей, Исанын жолдоочусу боло элек кезиңерде силер тилсиз буркандарга сыйынып,+ аларга жетеленип жүрө берчүсүңөр.
3 Ошондуктан силерге маалым болсун: Кудайдын ыйык рухунун таасири менен сүйлөп жатып эч ким: «Иса каргышка калсын!» — дебейт, ошондой эле ал рух таасир этпесе, эч ким: «Иса — биздин Мырзабыз!» — деп айта албайт.+
4 Ар түрдүү белектер бар, бирок алардын баары Кудайдын ыйык руху аркылуу гана берилет.+
5 Кызматтын ар кандай түрлөрү бар,+ бирок баарын бир эле Мырзабыз үчүн кылабыз.
6 Ар кандай иштер бар, бирок адамдарга аларды кылганга ар кандай жол менен түрткү берген Кудай бирөө эле.+
7 Кудайдын ыйык руху аркылуу жардам берип жатканы ар бир адамдан көрүнөт. Кудай ал рухун баарынын пайдасы үчүн берет.+
8 Мисалы, ошол рух кимдир бирөөгө акылмандык менен сүйлөгөнгө жардам берсе, башкасына ошол эле рух башкалар билбеген нерсени билгенге* жардам берет;
9 ошол эле рух бирине күчтүү ишенимге ээ болгонго,+ бирине ооруларды айыктырганга,+
10 бирине керемет жасаганга,+ бирине пайгамбарлык сөздөрдү айтканга, бирине кайсы бир сөздөрдүн Кудайдан же Кудайдан эмес экенин аныктаганга,+ бирине ар кандай тилдерде сүйлөгөнгө,+ дагы бирине ал тилдерде айтылгандарды которгонго+ жардам берет.
11 Ушунун баарын кылганга Кудай ошол эле ыйык руху аркылуу жардам берет, ал белектерди Кудай* ар бир кишиге өзүнүн эркине жараша берет.
12 Дене бирөө болгону менен, мүчөлөрү көп. Бирок мүчөлөрү көп болгону менен, баары бир эле денени түзөт.+ Машаяктын денеси да ошондой.
13 Анткени жүйүттөр да, гректер* да, кулдар да, эркин адамдар да — баарыбыз бир денени түзүш үчүн Кудайдын бир эле ыйык рухуна чөмүлүп*, аны кабыл алганбыз.
14 Чынында эле, дене бир мүчөдөн эмес, көп мүчөдөн турат.+
15 Бут: «Мен кол эмесмин, ошон үчүн денеге таандык эмесмин»,— десе эле денеге таандык болбой калбайт.
16 Кулак: «Мен көз эмесмин, ошон үчүн денеге таандык эмесмин»,— десе эле денеге таандык болбой калбайт.
17 Дененин баары көз болсо, анда кантип укмак элек? Дененин баары кулак болсо, анда кантип жыт сезмек элек?
18 Дененин ар бир мүчөсүн Кудай өзү каалагандай кылып жайгаштырган.
19 Эгер мүчөлөрдүн баары окшош болсо, анда кантип дене болмок эле?
20 Ооба, мүчөлөр көп болгону менен, дене бирөө эле.
21 Көз колго: «Сенин мага керегиң жок»,— дей албайт же баш бутка: «Сенин мага керегиң жок»,— дей албайт.
22 Кайра, дененин анча маанилүү эместей көрүнгөн мүчөлөрү да абдан керектүү.
23 Ошондой эле денебиздин өзүбүз анча жакшы эмес деп эсептеген жерлерине көбүрөөк көңүл бурабыз.+ Ошентип, ошондой жерлерибизге көбүрөөк кам көргөн болобуз*.
24 Ал эми жакшы көрүнгөн жерлерибизге анчалык көңүл бурбайбыз. Кудай да денени анын көңүл бурганга муктаж бөлүгүнө көбүрөөк кам көрүлгүдөй кылып жараткан.
25 Дене өз ара бөлүнбөй, бардык мүчөлөрү бири-бирине кам көрүшү үчүн ошенткен.+
26 Эгер дененин бир мүчөсү кыйналса, аны менен кошо калган мүчөлөрүнүн баары кыйналат.+ Ал эми бир мүчөсү макталып-даңкталса, аны менен кошо калган мүчөлөрүнүн баары кубанат.+
27 Силер Машаяктын денесисиңер,+ ар бириңер анын денесинин мүчөсүсүңөр.+
28 Кудай жыйналышта ар бир мүчөнү өз ордуна жайгаштырган: биринчиден, элчилер;+ экинчиден, пайгамбарлар;+ үчүнчүдөн, окутуучулар;+ анан керемет жасагандар;+ андан кийин ооруларды айыктыргандар*,+ башкаларга жардам көрсөткөндөр, жетектегенге жөндөмдүүлөр,+ ар кандай тилдерде сүйлөгөндөр.+
29 Баары эле элчиби? Баары эле пайгамбарбы? Баары эле окутуучубу? Баары эле керемет жасайбы?
30 Баары эле ооруларды айыктырганга жөндөмдүүбү? Баары эле ар кандай тилдерде сүйлөйбү?+ Баары эле которобу?+
31 Силер болсо маанилүүрөөк белектерди алганга бүт күчүңөрдү жумшай бергиле.+ Анткен менен мен силерге эң мыкты жолду+ көрсөтөм.
Шилтемелер
^ Же: «жөндөмдүүлүктөр».
^ Же: «билим менен сүйлөгөнгө». Сыягы, бул кереметтүү түрдө берилген билимди билдирет.
^ Же: «Кудайдын ыйык руху».
^ Сыягы, жүйүт элинен болбогон грекче сүйлөгөн адамдар.
^ Же: «ошондой жерлерибиз жакшынакай болуп калат».
^ Же: «башкаларды айыктырганга керемет жолу менен жөндөмдүү болгондор».
