Корунттуктарга 1-кат 5:1—13
5 Араңарда барып турган жыныстык адеп-ахлаксыздыкка*,+ болгондо да, башка элдердин арасында да кездешпей турган ишке жол берилип жатканын уктум: бирөө өгөй апасы менен жашап алыптыр.+
2 Силер болсо буга мактанып жатасыңарбы?! Анын ордуна, кайгырып,+ андай ишке барганды араңардан чыгарып салышыңар керек эле да!+
3 Мен өзүм жаныңарда болбосом да, оюм силерде*. Ошондуктан, араңарда жүргөнүмдөй, андай иш кылган кишиге өкүм чыгарып койдум.
4 Ошон үчүн баарыңар Мырзабыз Исанын атынан чогулганда, менин Мырзабыз Исадан бийлик алганымды жана силерди ойлоп жатканымды* эске алып,
5 ал кишини, жыйналыштагыларга тийгизген терс таасирин жок кылыш үчүн, Шайтанга берип салгыла*.+ Муну Мырзабыздын күнүндө жыйналыштын жакшы руху сакталышы үчүн кылгыла.+
6 Силердин ушинтип мактанганыңар жарабайт. Же эмне, бир аз эле ачыткы бүт камырды ачытарын билбейсиңерби?+
7 Ошондуктан жаңы камыр болушуңар үчүн ачыткыдан арылгыла. Анткени Машаяк Куткарылуу майрамында* союлчу козубуз+ катары өз өмүрүн курмандыкка чалгандыктан,+ силер ачыткы кошулбаган камырга окшошсуңар.
8 Ошондуктан Куткарылуу майрамынан кийинки майрамда*+ эски ачыткыны, ошондой эле күнөө менен ыймансыздыкты билдирген ачыткыны колдонбойлу. Анын ордуна, ачыткы кошулбаган жана жакшы, туура нерсени билдирген каламаны гана колдонуп майрамдайлы.
9 Силерге жолдогон катымда жыныстык адеп-ахлаксыздык кылып жүргөндөр менен мамилелешкениңерди токтотушуңар керектигин жазган элем.
10 Бирок мен бул дүйнөдөгү+ жыныстык адеп-ахлаксыздык кылып жүргөн же ач көз, башкаларды талап-тоногон же буркандарга табынган адамдар жөнүндө айткан эмесмин. Болбосо бул дүйнөдөгүлөр менен болгон бардык мамилеңерди үзгөнгө туура келмек.+
11 Азыр силерге жазып жатканымдын себеби, кимдир бирөө бир тууганыбыз деп аталганы менен, жыныстык адеп-ахлаксыздык кылып жүрсө же ач көз болсо,+ же бурканга табынса, же ичкиликти өтө көп ичсе*,+ же талап-тоноочу болсо же башкаларга тил тийгизсе*,+ аны менен мындан ары мамилелешпегиле,+ атүгүл бирге отуруп тамактанбагыла.
12 Жыйналыштагылардан башкаларды мен эмнеге соттомок элем? Силер жыйналыштагыларды соттошуңар керек эмеспи?
13 Башкаларды болсо Кудай соттойт.+ «Ыймансыз кишини араңардан чыгарып салгыла».+
Шилтемелер
^ Сөзмө-сөз: «рухум силер менен».
^ Же: «рухум менен араңарда экенимди».
^ Бул ошол кишинин жыйналыштан чыгарылганын билдирет.
^ Бул жерде колдонулган грек тилиндеги сөз ичкиликке берилүүнү, мас болуп калганчалык ичүүнү камтыйт.
^ Же: «башкаларды сөз менен кордосо».
