Лебилер 2:1—16
-
Дан азыктарынан алынып келген тартуу (1—16)
2 Кимдир бирөө Жахабага дан азыктарынан тартуу+ алып келе турган болсо, эң жакшы ундан алып келсин. Ага май куюп, ладан* кошуп койсун.+
2 Аны Арундун уулдарына, дин кызматчыларга, алып келсин. Дин кызматчы ал алып келген эң жакшы ундан үстүндөгү майы, бүт ладаны менен кошо бир ууч толтура алсын. Анан бүт тартууну билдирген ошол бир ууч унду курмандык жайынын үстүндө Жахабага арналган жыты жагымдуу өрттөлчү тартуу+ катары өрттөсүн.
3 Дан азыктарынан алынып келген тартуунун артканы Арун менен уулдарыныкы+ болот. Ал — Жахабага арналган өрттөлчү тартуудан калган өзгөчө ыйык нерсе.+
4 Эгер дан азыктарынан тартуу катары мешке бышырылчу нерселерден алып келгиңер келсе, эң жакшы ундан ачыткы кошулбай, май аралаштырылып жасалган ортосу оюк токоч же үстүнө май сыйпалган калама алып келгиле.+
5 Эгер дан азыктарынан тартуу катары жалпак көмөч казанга+ бышырылган нерселерден алып келгиңер келсе, аны эң жакшы ундан ачыткы кошпой, май аралаштырып жасагыла.
6 Анан сындырып-сындырып, үстүнө май куюп койгула.+ Бул — дан азыктарынан алынып келген тартуу.
7 Эгер дан азыктарынан тартуу катары чуңкур көмөч казанга бышырылган нерселерден алып келгиңер келсе, аны эң жакшы ундан май аралаштырып жасагыла.
8 Жахабага ушундай кылып дан азыктарынан тартуу алып келип, дин кызматчыга бергиле. Ал аны курмандык жайына алып барат.
9 Дин кызматчы андан бир аз алсын. Анан бүт тартууну+ билдирген ошол бөлүгүн курмандык жайынын үстүндө Жахабага арналган жыты жагымдуу өрттөлчү тартуу катары өрттөсүн.+
10 Дан азыктарынан алынып келген тартуунун артканы Арун менен анын уулдарыныкы болот. Ал — Жахабага арналган өрттөлчү тартуудан калган өзгөчө ыйык нерсе.+
11 Жахабага дан азыктарынан алып келген тартууңардын бирине да ачыткы кошулбашы керек.+ Анткени ачыткы менен ширени* Жахабага арналган өрттөлчү тартуу катары өрттөгөнгө болбойт.
12 Аларды Жахабага арнап биринчи түшүмдөн тартуу катары алып келгиле.+ Бирок жыты жагымдуу курмандык катары курмандык жайында өрттөгөнгө болбойт.
13 Дан азыктарынан алып келген тартууңардын ар бирине туз кошкула. Сөзсүз туз кошулсун, себеби туз силер менен Кудайдын ортосунда түзүлгөн келишимди эске салып турат. Тартууңардын ар бирине туз кошкула.+
14 Эгер биринчи түшүмүңөрдөн Жахабага тартуу катары дан азыктарынан алып келгиңер келсе, жаңы бышкан ката элек данды кууруп, майдалап алып келгиле. Бул биринчи түшүмүңөрдөн, дан азыктарынан, алынып келген тартуу болот.+
15 Ага май куюп, ладан кошуп койгула. Бул — дан азыктарынан алынып келген тартуу.
16 Дин кызматчы майдаланган дандан үстүндөгү майы, бүт ладаны менен кошо бир аз алсын. Анан бүт тартууну+ билдирген ошол бөлүгүн Жахабага арналган жыты жагымдуу өрттөлчү тартуу катары өрттөсүн.
