Лука 23:1—56
23 Андан кийин баары ордунан туруп, Исаны Пилатка алып барышты да:+
2 «Бул киши элибизди бузуп, падышага салык төлөгөнгө+ тыюу салып жатыптыр, өзүн Машаякмын, падышамын деп атап жүрүптүр»,+— деп аны айыптай башташты.+
3 Ошондо Пилат Исадан: «Сен жүйүттөрдүн Падышасысыңбы?» — деп сурады. Иса: «Муну өзүң билесиң да»,— деп жооп берди.+
4 Пилат жогорку дин кызматчылар менен элге: «Мен бул кишинин эч кандай айыбы жок деп ойлойм»,— деди.+
5 Бирок тигилер айтканынан кайтпай: «Бул өзүнүн окууларын Галилеядан тартып атүгүл ушул жакка чейин, бүт Жүйүт аймагына жайылтып, элди дүрбөтүп жатат»,— дей башташты.
6 Муну укканда Пилат: «Бул галилеялыкпы?» — деп сурады.
7 Анан Ирод башкарган аймактан+ экенин билгенде аны Иродго жөнөттү. Себеби Ирод ошол убакта Иерусалимде жүргөн эле.
8 Исаны көргөндө Ирод аябай сүйүнүп кетти, анткени ал тууралуу көп уккандыктан,+ кандайдыр бир керемет көрсөтөт деп үмүттөнүп, аны көптөн бери көргүсү келип жүргөн.
9 Ал Исага бир топко чейин суроолорду берди, бирок Иса эчтеке деп жооп берген жок.+
10 Ал жерде турган жогорку дин кызматчылар менен диний мыйзамдарды окуткандар болсо улам бири алдыга чыгып, Исаны катуу айыптап жатышты.
11 Андан кийин Ирод жоокерлери менен аны кемсинтип,+ үстүнө кымбат кийим кийгизип, мазактады.+ Анан кайра Пилатка жөнөттү.
12 Ага чейин касташып жүргөн Ирод менен Пилат ошол күнү дос боло калышты.
13 Андан кийин Пилат жогорку дин кызматчылар менен башчыларды, элди чакырып:
14 «Бул кишини мага элди көтөрүлүш чыгарганга тукуруп жатат деп алып келгенсиңер. Бирок муну силердин көзүңөрчө суракка алып, койгон айыптарыңардын бирине да далил тапкан жокмун.+
15 Ирод да таппай, кайра бизге жөнөтүптүр. Демек, бул киши өлүм жазасына тартылгыдай эч кандай деле күнөө кылган эмес.
16 Ошон үчүн жазалап туруп,+ коё берем»,— деди.
17 *——
18 Бирок чогулгандардын баары: «Өлтүр муну! Бизге Барабаны бошотуп бер!»+ — деп кыйкырышты.
19 (Бараба шаарда чыккан козголоңго катышып, киши өлтүргөндүктөн түрмөгө камалган эле.)
20 Бирок Пилат Исаны бошоткусу келип, аларга кайрадан кайрылды.+
21 Тигилер болсо: «Устунга* када муну! Устунга када!» — деп кыйкыра башташты.+
22 Пилат аларга үчүнчү жолу: «Эмнеге? Бул киши эмне жамандык кылды? Мен мындан өлүм жазасына тарткыдай эч айып тапкан жокмун. Ошондуктан жазалап туруп, коё берем»,— деди.
23 Ошондо тигилер аны өлтүрүшүн* талап кылып, ого бетер катуу кыйкыра башташты. Тынбай кыйкыра беришкендиктен,+
24 Пилат алардын талабын аткарганга макул болду.
25 Ошентип, алар талап кылган кишини — козголоңго катышып, киши өлтүргөнү үчүн түрмөдө отурган кылмышкерди — бошотуп берди, ал эми Исаны, алар каалагандай кылып, өлүм жазасына тартканга буйрук берди.
26 Исаны алып баратышканда айыл жактан келаткан киреналык Симонду токтотуп, ага Исанын артынан жаза устунун көтөртүп коюшту.+
27 Исаны көп эл ээрчип баратты. Алардын арасында кайгырганынан төшүн ургулап, боздоп ыйлаган көп аялдар бар эле.
28 Иса аларга бурулуп: «Иерусалимдин кыздары, мен үчүн ыйлабагыла. Өзүңөр үчүн, балдарыңар үчүн ыйлагыла.+
29 Себеби: „Төрөбөс, бала көрбөгөн, бала эмизбеген аялдар бактылуу!“ — дей турган күндөр келатат.+
30 Ошондо адамдар тоолорго: „Бизди калкалап калгыла!“ — дешет, адырларга: „Бизди жашырып калгыла!“ — деп айтышат.+
31 Дарак көгөрүп турганда ушинтишсе, анда ал куураганда, эмне болот?» — деди.
32 Иса менен бирге өлүм жазасына тартканга эки кылмышкерди да алып баратышты.+
33 Баш-Сөөк деген жерге жетишкенде,+ Иса менен эки кылмышкерди устунга кадашты: бирин анын оң жагына, экинчисин сол жагына кадашты.+
34 Иса болсо: «Ата, буларды кечире көр, анткени эмне кылып жатышканын билишпейт»,— деди. Анан жоокерлер Исанын кийимин бөлүп алыш үчүн өкчөмө таш ыргытышты.+
35 Эл бери жакта карап турду. Башчылар* болсо: «Башкаларды куткарбады беле. Кана, Кудай тандаган Машаяк болсо, өзүн куткарсынчы»,— деп шылдыңдап жатышты.+
36 Аны атүгүл жоокерлер да мазакташты. Алар Исанын жанына барып, кычкыл шарап сунуп:+
37 «Эгер жүйүттөрдүн Падышасы болсоң, өзүңдү куткарбайсыңбы»,— дешти.
38 Баш жагына болсо «Жүйүттөрдүн Падышасы» деген жазууну илип коюшту.+
39 Устунга кадалган кылмышкерлердин бири Исаны: «Сен Машаяк эмес белең! Анда өзүңдү да, бизди да куткарбайсыңбы!» — деп мазактай баштады.+
40 Экинчиси болсо аны тыйып: «Сен, эмне, Кудайдан коркпойсуңбу? Өзүң деле ушундай жазага тартылбадыңбы.
41 Биз го кылганыбызга жараша тийиштүү жазабызды алып жатабыз. Бул болсо эч кандай жаман иш кылган эмес»,— деп айтты.
42 Анан Исага: «Иса, падыша болгонуңда* мени эстей көр»,— деди.+
43 Иса ага: «Сага бүгүн убада берем: сен мени менен Бейиште болосуң»,+— деди.
44 Саат болжол менен түшкү он экилер* болчу, ошондой болсо да бүт аймакты* караңгылык каптап, үчтөргө* чейин караңгы болуп турду,+
45 анткени күндүн жарыгы тийбей калды. Ыйык жайдын көшөгөсү+ болсо ортосунан айрылып калды.+
46 Иса үнүн бийик чыгарып: «Ата, өмүрүмдү* сенин колуңа тапшырдым»,— деди.+ Ушуну айткан соң жан берди.+
47 Буларды көргөн жүз башы: «Бул, чын эле, адил киши болгон экен»,— деп Кудайды даңктай баштады.+
48 Бул окуяны көргөнү чогулгандардын баары болуп өткөндөрдөн улам кайгырып, төшүн ургулап, үйлөрүнө тарай башташты.
49 Ал эми Исаны тааныгандардын бардыгы алыстан карап турушту. Алардын арасында аны менен Галилеядан келген аялдар да бар болчу.+
50 Ошол жерде Жусуп деген ак ниет, адил киши бар эле.+ Ал Кеңештин* мүчөсү болчу.
51 Бирок Кеңештин башка мүчөлөрүнүн арам оюн, иш-аракеттерин колдогон эмес. Ал жүйүттөрдүн Ариматая деген шаарынан болчу жана Кудайдын Падышалыгын күтүп жүргөн.
52 Жусуп Пилатка барып, Исанын сөөгүн сурады.
53 Анан сөөктү устундан түшүрүп,+ жогорку сапаттагы зыгыр кездемеге ороду да, асканын боорундагы оюлуп жасалган, эч ким коюла элек мүрзөгө койду.+
54 Ал күн дем алыш күнгө даярдык көрө турган күн эле.+ Дем алыш күн+ башталайын деп калган болчу.
55 Ошентсе да Иса менен Галилеядан келген аялдар да ал жакка барып, мүрзөнү, сөөктүн кантип коюлганын көрүштү.+
56 Анан жыпар жыттуу чөптөр менен майларды даярдап келиш үчүн кайра кетишти. Дем алыш күнү+ болсо, Мусанын Мыйзамы боюнча, эс алышты.
Шилтемелер
^ Бул аят Ыйык Китептин айрым котормолорунда бар болсо да, грек тилиндеги байыркы негизги кол жазмаларда кездешпейт. А3 тиркемесин кара.
^ Же: «устунга кадап өлтүрүшүн».
^ Же: «Диний жетекчилер».
^ Сөзмө-сөз: «Падышалыгыңа киргенде».
^ Сөзмө-сөз: «алтынчы саат».
^ Сөзмө-сөз: «жерди».
^ Сөзмө-сөз: «тогузунчу саатка».
^ Же: «мендеги өмүр демин; өмүр күчүн».
