Микей 3:1—12
3 Мен мындай дедим: «Жакыптын урпактарынын башчылары,Ысрайыл элинин башкаруучулары,+ суранам, кулак салгыла.
Адилеттик деген эмне экенин силер билишиңер керек эмеспи?
2 Бирок силер жакшы нерсени жек көрүп,+ жаман нерсени жакшы көрөсүңөр;+Элимдин терисин сыйрып,Сөөгүнөн этин шылып жатасыңар.+
3 Элимдин этин жеп,+Терисин сыйрып,Сөөктөрүн чагып жатасыңар.
Аларды казандагы жиликтердей жиликтеп,+ мискейдеги эттей бөлүп жатасыңар.
4 Жахабаны жардамга чакыра турган күнүңөр келет,Бирок ал жооп бербейт.
Кыянат иштерди кылганыңар үчүн,+Силерден жүзүн бурат.+
5 Оозунда чайнаганга бир нерсе бар болсо*:+ „Тынчтык!“ — деп,+Ал эми оозуна эч нерсе салбагандарга согуш жарыялаган,Элимди адаштырган пайгамбарларга Жахаба мындай дейт:+
6 „Силерди караңгылык басат,+ аян албайсыңар.+
Силерди караңгылык каптайт, көзү ачыктык кыла албай каласыңар.
Пайгамбарлардын күнү бүтөт,Алардын күнү түнгө айланат.+
7 Көрөгөчтөр уятка калышат,+Көзү ачыктардын көңүлү кайт болот.
Алардын баары уят болгонунан оозун* жабышат,Анткени Кудайдан жооп болбойт“».
8 Мен болсо Жакыптын урпактарына козголоңу,Ысрайыл элине күнөөсү тууралуу айтышым үчүн,Жахаба ыйык рухун* берип, күчкө толдум,Адилеттүү, тайманбас болдум.
9 Жакыптын урпактарынын башчылары,Ысрайыл элинин башкаруучулары,+Адилеттикти жек көрүп, түз нерсенин баарын кыйшык кылгандар,+ суранам, уккула.
10 Силер Сионду кан төгүп куруп жатасыңар,Иерусалимди адилетсиздик кылып тургузуп жатасыңар.+
11 Анын башчылары пара алып сот жүргүзүшөт,+Дин кызматчылары акы алып окутушат,+Пайгамбарлары акча* алып келечекти алдын ала айтышат.+
Ошол эле учурда Жахаба колдойт деп ойлоп*:
«Жахаба биздин арабызда эмеспи?!+
Башыбызга алаамат түшпөйт»,— дешет.+
12 Ошондуктан силердин айыңарданСион талаадай айдалып, таш-талканы чыгат,Иерусалим үйүлгөн урандыга айланат,+Ал эми ибадаткана турган тоону токой басып кетет.+
Шилтемелер
^ Же балким: «Бир нерсе тиштеп турганда».
^ Сөзмө-сөз: «мурутун». Байыркы убактарда кимдир бирөө уятка калганда оозун же мурутун жапчу.
^ Б. а. ыйык күчүн.
^ Же: «Жахабага таянымыш болуп».
^ Же: «күмүш».
