Микей 6:1—16
6 Суранам, Жахабанын эмне деп жатканын уккула.
Тургула, дооңорду тоолордун алдында айткыла,Үнүңөр адырларга угулсун.+
2 Тоолор, жердин бекем пайдубалдары,Жахабанын доосун уккула.+
Себеби Жахаба өз эли менен соттошуп жатат,Ысрайылга мындай доо коюп жатат:+
3 «Элим, мен сага эмне кылдым?
Сени эмне кылып чарчаттым?+
Мага каршы күбөгө өт.
4 Мен сени Мисир* жеринен алып чыгып,+Кул болуп жүргөн жерден бошотком.+
Сени жетектеп жүргөнгө Муса менен Арунду, Мириямды+ жибергем.
5 Элим, Мааптын падышасы Балактын эмне кылгысы келгенин,+Ага Беор уулу Биламдын эмне деп жооп бергенин,+Шитимден+ Гилгалга+ чейин эмне болгонун эстечи.
Ошондо Жахабанын кандай адил иштерди кылганын билесиң».
6 Жахабанын алдына эмне алып барам?
Жогорудагы Кудайга эмне алып барып таазим кылам?
Бүтүндөй өрттөлчү курмандыктарды,Бир жашар торпокторду алып барамбы?+
7 Жахабаны миңдеген кочкорлорду,Ченемсиз май алып барып кубантамбы?+
Козголоңум үчүн тун уулумду,Күнөөм үчүн өз баламды беремби?+
8 Оо, пенде, Жахаба сага эмне жакшы экенин айткан.
Ал сенден эмнени талап кылат?
Адилет* болушуңду,+ берилгендикти жогору баалашыңды*,+Кудайыңдын алдында момун болушуңду*+ гана эмеспи?!+
9 Жахаба шаардын тургундарына кайрылып жатат;Даанышмандар анын ысмынан* коркот.
Силерге бериле турган жазаны жана аны бере турганды четке какпагыла*.+
10 Ыймансыздын үйүндө арам байлык,Көлөмү кичирейтилген өлчөгүч идиш*, жийиркеничтүү нерсе, дагы деле барбы?
11 Таразам так болбосо,Баштыктагы тараза таштарым так эмес болсо,Таза* боло аламбы?+
12 Анын* байлары зордук-зомбулукка белчесинен баткан.
Тургундары калп айтат,+Башкаларды алдашат.+
13 «Ошон үчүн силерге сокку уруп, жарадар кылам.+
Күнөөлөрүңөр үчүн ээн калтырам.
14 Тамак жейсиңер, бирок тойбойсуңар,Өзөрүп ачка жүрөсүңөр.+
Буюм-тайымыңарды катасыңар, бирок сактап кала албайсыңар.
Сактап калгандарыңарды болсо душмандарыңарга берем.
15 Эгин эгесиңер, бирок оруп албайсыңар,Зайтун тебелейсиңер, бирок майын колдонбойсуңар.
Жаңы шарап жасайсыңар, бирок андан ичпейсиңер.+
16 Омринин мыйзам-буйруктарын аткарып,Ахап менен анын урпактары кылган бардык иштерди кылганыңар үчүн,+Алардын жолу менен жүргөнүңөр үчүн,Башкалар силерди көрүп үрөйү уча тургандай,Бул шаардын тургундарын көрүп ышкыргыдай* кылам.+
Силер элдердин шылдыңына каласыңар».+
Шилтемелер
^ Египет.
^ Же: «Кудайыңдын жолунда жөнөкөйлүк менен жүрүшүңдү».
^ Же: «кайрымдуу болушуңду, сүйүүң туруктуу болушун». Сөзмө-сөз: «туруктуу сүйүүнү жакшы көрүшүңдү». Сөздүктү кара.
^ Же: «Калыс; чынчыл».
^ Сөзмө-сөз: «сенин ысмыңдан».
^ Же: «Таякка жана аны дайындаганга кулак салгыла».
^ Сөзмө-сөз: «эйфа». Б14 тиркемесин кара.
^ Же: «Айыпсыз».
^ Шаар жөнүндө айтылып жатат.
^ Сыягы, бул алардын таң калганын, табалап шылдыңдаганын билдирет.
