Мыйзам 34:1—12
34 Андан кийин Муса Мааптын чөлдүү түздүктөрүндөгү Небо тоосуна,+ Жерихонун тушундагы+ Пазги чокусуна,+ чыкты. Жахаба ага ал жердин баарын: Гилаттан Данга+ чейинки жерлерди,
2 Напталы, Эпрайым, Менаше урууларынын бүт жерин, Жүйүт уруусунун батыштагы деңизге* чейинки жерлеринин баарын,+
3 Негепти,+ Иордан өрөөнүн,+ Жерихо өрөөнүнөн — курма дарактары өскөн шаардан — Соарга+ чейинки жерлердин баарын көрсөттү.
4 Анан Жахаба Мусага: «Мен Ыбрайымга, Ыскакка, Жакыпка „сенин тукумуңа берем“ деп убада кылган жер — ушул.+ Бирок сен ал жерге барбайсың, ошон үчүн аны сага көрсөтүп жатам»,— деди.+
5 Ошондон кийин Жахабанын кызматчысы Муса, Жахаба айткандай, Маап жеринде көз жумду.+
6 Ал* анын сөөгүн Маап жерине, Бет-Пеордун тушуна койду. Ал коюлган жерди азыркыга чейин эч ким билбейт.+
7 Көз жумганда Муса 120 жашта эле.+ Ал алдан-күчтөн тая элек болчу. Көзүнүн курчу да кете элек эле.
8 Ысрайыл эли Мааптын чөлдүү түздүктөрүндө Мусаны жоктоп 30 күн ыйлады.+ Ошентип, Мусаны жоктоп аза күткөн күндөр бүттү.
9 Муса Нундун уулу Жашыянын үстүнө колун коюп, аны жол башчы кылып дайындагандыктан, Жашыяда Кудай берген акылмандык бар эле.+ Ошондуктан ысрайыл эли ага баш ийип, Жахаба Мусага эмнелерди буйруса, ошолордун баарын аткара баштады.+
10 Анткен менен ошондон кийин Ысрайылда Мусадай пайгамбар болгон жок.+ Жахаба аны менен өзгөчө жакын мамиледе болчу*.+
11 Жахаба аны Мисир жеринде фараон менен кызматчыларынын алдында, бүт Мисир жеринде кандай керемет-жышаандарды көрсөтүш үчүн жиберсе, Муса ошолордун баарын көрсөткөн.+
12 Ал ысрайыл элинин көз алдында улуу, сестентерлик иштерди жасаган.+
Шилтемелер
^ Б. а. Улуу деңизге (Жер Ортолук деңиз).
^ Сыягы, Кудай.
^ Сөзмө-сөз: «бетме-бет билчү».
