Накум 1:1—15
1 Нинебиге чыгарылган өкүм.+ Элкоштук Накумдун* алган аяны жазылган китеп.
2 Жахаба* — толук берилгендикти талап кылган+ жана душмандарынан өч ала турган Кудай.
Жахаба душмандарын жазалайт, аларга каарын төгөт.+
Жахаба душмандарынан кек алат,Аларга каары кайнап турат.
3 Жахаба зор күчкө ээ болсо да,+ тез ачууланбайт.+
Бирок Жахаба күнөөкөрлөрдү эч качан жазасыз калтырбайт.+
Ал кыйратуучу шамалдын, катуу шамалдын ичинде келатат,Булуттар таман астындагы чаңдай сапырылат.+
4 Ал деңизге тыюу салып,+ аны кургатат,Бардык дарыяларды какшытат.+
Башан менен Кармелдеги өсүмдүктөр соолуйт,+Лебанондун* гүлү куурайт.
5 Анын алдында тоолор титиреп,Адырлар эрийт.+
Анын алдында жер да,Жер жүзү менен анда жашагандар да титирейт.+
6 Анын каарына ким туруштук бере алат?+
Кайнаган каарына ким чыдай алат?+
Анын каары оттой жалындайт,Анын алдында аскалар кыйрайт.
7 Жахаба мээримдүү*,+ ал алаамат күнү калкалай турган жай болот.+
Андан баш маана издегендерге кам көрөт*.+
8 Ал Нинебини ташкындаган суу менен кыйратып жок кылат,Өзүнүн душмандарына караңгылык каптатат.
9 Жахабага каршы эмне ойлонуштура аласыңар?
Ал силерди кырып жок кылат.
Бир эле сокку менен биротоло кыйратат.+
10 Нинебиликтер тикен сыяктуу чырмалышып алса да,Сыра* ичкендегидей өз күчүнө мас болушса да,Кургак самандай күйүп кетишет.
11 Силерден Жахабага каршы иш кылууну ойлогон,Пайдасы жок кеңеш берген бирөө чыгат.
12 Жахаба мындай дейт:
«Ашурлуктар* аябай күчтүү, сан жеткис болсо да,Кырылып, тыптыйпыл болушат*.
Жүйүт эли, мен силерди жазалагам,Эми мындан ары жазалабайм.
13 Ашурдун* мойнуңардагы моюнтуругун сындырам,+Салган кишендерин экиге бөлүп салам.
14 Нинеби*, мен, Жахаба, сен жөнүндө мындай дейм:
„Артыңда тукумуң калбай, атың өчөт.
Кудайларыңдын ибадатканасындагы оюлуп жасалган буркандарды, куйма буркандарды жок кылам.
Сага мүрзө даярдайм, себеби сен жек көрүндү немесиң“.
15 Мына, тоолордо жакшы кабар жарыялап,Тынчтык орногонун жар салып бирөө келатат.+
Оо, жүйүт эли, майрамдарыңды белгиле,+ убадаларыңды аткар,Анткени мындан ары жериңди зулумдар басып кирбейт.
Алар биротоло жок болот».
Шилтемелер
^ Мааниси: «сооротуучу».
^ Ливандын.
^ Сөзмө-сөз: «жакшы».
^ Сөзмө-сөз: «баш маана издегендерди билет».
^ Же: «Буудай сыра».
^ Ассириялыктар. Сөзмө-сөз: «Алар». Нинеби ашурлуктардын борбор шаары болгон.
^ Же балким: «Ал алардын арасынан өтөт».
^ Сөзмө-сөз: «Анын».
^ Же: «Ашурлук киши».
