Накыл сөздөр 13:1—25
13 Акылдуу уул атасынын акыл-насаатына кулак кагат,+Ал эми шылдыңчыл кеңешти укпайт.+
2 Адам жакшы сөздөрүнөн жакшылык табат,+Ал эми митаамдар зомбулукту көксөйт.
3 Тилин тыйган* өз жанын сактайт,+Оозуна ээ боло албаган кыйрайт.+
4 Жалкоо көптү эңсейт, бирок эчтекеси жок,+Ал эми аракетчилдин көксөсү канат.+
5 Адил адам жалган сөздү жек көрөт,+Ыймансыздардын иштери уятка калтырып, маскара кылат.
6 Айыпсызды адилдик сактайт,+Ал эми күнөөкөрдү ыймансыздык кыйратат.
7 Кай бирөө, эч нерсеси жок болсо да, өзүн бай көрсөтөт.+
Башка бирөө, байманасы ташып турса да, өзүн кедей көрсөтөт.
8 Адамдын жаны үчүн төлөнчү кун — анын байлыгы,+Ал эми кедейди эч ким опузалабайт.+
9 Адил кишилердин жарыгы жаркырап турат,+Ыймансыздардын чырагы болсо өчөт.+
10 Менменсинүү чыр-чатак гана чыгарат,+Ал эми кеңеш сурагандарга* акылмандык таандык.+
11 Оңой* жол менен табылган байлык түгөнүп жок болот,+Ал эми аз-аздан чогулткандыкы арбыйт.
12 Күткөн нерсеси* көпкө чейин ишке ашпаса, кишинин жүрөгү ооруйт,+Ал эми орундалган каалоо-тилек кишини жандандырып, күчкө толтурат*.+
13 Акыл-насаатты кабыл албаган* кесепетин тартат,+Осуятка кулак каккан сыйлык алат.+
14 Акылмандын берген таалими* өмүр булагындай,+Ал кишини өлүмдүн тузактарынан сактайт.
15 Түшүнүгү терең киши ырайымга ээ болот,Ал эми ишеничтүү эмес киши көп көйгөй жаратат.
16 Баамчыл киши акыл менен иш кылат,+Ал эми акылсыз акылсыздыгын көрсөтөт.+
17 Ишеничтүү эмес кабарчы жамандыкка кабылат,+Ишеничтүү элчинин сөзү айыктырат.+
18 Акыл-насаатты баркка албаган жакырланат, маскара болот,Ал эми кеп-кеңешке кулак каккан* кадыр-баркка ээ болот.+
19 Орундалган каалоо-тилек жанга жагымдуу,+Акылсыз жамандыктан такыр кайткысы келбейт.+
20 Акылдуулар менен жүргөн акылдуу болот,+Ал эми акылсыздар менен мамилелешкен зыян тартат.+
21 Күнөөкөрлөрдүн артынан кырсык сая түшөт,+Адил кишилер болсо көп сыйлык алышат.+
22 Жакшы киши неберелерине мурас калтырат,Ал эми күнөөкөрдүн байлыгы адил кишиге калат.+
23 Жакырдын айдалган жери мол түшүм берет,Бирок адилетсиздиктин айынан анысы* жок болушу мүмкүн.
24 Ким уулунан чыбык аяса*, аны жек көрөт.+
Ким жакшы көрсө, жакшылап* тартипке салат.+
25 Адил киши тойгуча жейт,+Ал эми ыймансыз ачка болот.+
Шилтемелер
^ Же: «Байкап сүйлөгөн».
^ Же: «чогуу кеңешкендерге».
^ Же: «Арам».
^ Же: «Үмүтү».
^ Же: «өмүр бере турган дарактай».
^ Же: «Сөзгө кулак салбаган».
^ Же: «мыйзамы».
^ Же: «ашкерелөөнү кабыл алган».
^ Же: «жакыр».
^ Же: «уулун оңдоп-түзөбөсө; тарбиялабаса».
^ Же балким: «создуктурбай».
