Накыл сөздөр 15:1—33
15 Жумшак жооп каарды басат,+Ал эми орой* сөз ачууну козгойт.+
2 Акылдуу билимин туура колдонуп сүйлөйт,+Акылсыздын оозунан болсо акылсыздык оргуп чыгат.
3 Жахабанын көзү бардык жерде эмне болуп жатканын көрүп турат,Ал жамандарды да, жакшыларды да көрүп турат.+
4 Жылуу-жумшак сөз* өмүр дарагындай,+Ал эми жалган сөз көңүлдү чөктүрөт.
5 Акылсыз атасынын акыл-насаатын барктабайт,+Баамчыл киши болсо оңдоп-түзөгөндө* аны кабыл алат.+
6 Адил кишинин үйү мүлккө толот,Ал эми ыймансыздын кирешеси* өзүнө кыйынчылык алып келет.+
7 Акылдуулар билимди жайылтат,+Акылсыздар болсо антпейт.+
8 Ыймансыздардын чалган курмандыгы Жахаба үчүн жийиркеничтүү,+Ал эми чынчылдардын тиленгени ага жагат.+
9 Жахаба ыймансыздын жолунан жийиркенет,+Адилдикке умтулгандарды болсо жакшы көрөт.+
10 Түз жолдон чыккан киши оңдоп-түзөгөндү жактырбайт*;+Ашкерелөөнү жек көргөн киши өмүрүнөн айрылат.+
11 Жахаба көр* менен сөөктөр чирий турган жайды* көрүп турса,+Анда адамдын жүрөгүндө эмне бар экенин ого бетер көрбөйбү?!+
12 Шылдыңчыл аны оңдоп-түзөгөн* кишини жаман көрөт.+
Ал акылдуулар менен кеңешпейт.+
13 Жүрөктөгү кубанычтан адамдын жүзү нурданат,Ал эми жүрөктөгү кайгыдан көңүлү чөгүп кыйналат.+
14 Түшүнүгү бар киши билим издейт,+Акылсыздар* акылсыздыкты сүйлөгөндү жакшы көрөт*.+
15 Кыйналган* кишинин бардык күндөрү кайгылуу,+Ал эми жүрөгү кубанычка толгон* киши дайыма той бергендей жайдары.+
16 Байлыкка тунуп, тынчсызданып жашагандан көрө,+Аз эле нерсең болсо да, Жахабадан коркуп жашаган артык.+
17 Жек көрүүчүлүк бар жерде семиз буканын этин жегенден көрө,+Сүйүү бар жерде жашылча тамак жеген артык.+
18 Ачуусу чукул киши уруш чыгарат,+Ал эми сабыр сактаган киши чатакты басат.+
19 Жалкоонун жолу тикенекке толгон*,+Ал эми чынчылдардын жолу тегиз.+
20 Акылдуу уул атасын кубантат,+Акылсыз болсо энесин баркка албайт.+
21 Акылсыз акылсыздыкка кубанат,+Ал эми кыраакы киши түз жүрөт.+
22 Акылдашпаса*, ой-максат ишке ашпайт,Кеңешчилер көп болсо, ийгиликтүү ишке ашат.+
23 Адам жакшы жооп бергенине кубанат;+Өз убагында айтылган сөз кандай жакшы!+
24 Түшүнүп иш кылган киши өргө кеткен өмүр жолунда,+Ал жол аны төмөндөгү көрдөн* алыс кылат.+
25 Жахаба бой көтөргөндөрдүн үйүн кыйратат,+Ал эми жесирдин жеринин чегин коргойт.+
26 Ыймансыздын ой-ниети Жахаба үчүн жийиркеничтүү,+Ал эми жакшы сөз ага жагат.+
27 Арам жол менен пайда тапкан өз үй-бүлөсүн азапка салат*,+Ал эми параны жек көргөн узак жашайт.+
28 Адил киши ойлонуп жооп берет*,+Ыймансыздын оозунан болсо жаман сөздөр оргуп чыгат.
29 Жахаба ыймансыздардан алыс,Ал эми адил кишилердин тиленгенин угат.+
30 Нур чачырап турган көздөр жүрөктү кубантат,Жакшы кабар дем-күчкө толтурат*.+
31 Ашкерелөө өмүрдү сактап кала алат,Ага кулак каккан киши акылдуу болот.+
32 Оңдоп-түзөөнү четке каккандар өз өмүрүн баалабайт,+Ал эми ашкерелөөгө кулак салгандар акылдуу болот.+
33 Жахабадан корксоң, акылмандыкка үйрөнөсүң,+Момун болсоң, даңкка бөлөнөсүң.+
Шилтемелер
^ Же: «жүрөк ооруткан».
^ Же: «Айыктырган тил».
^ Же: «ашкерелегенде».
^ Же: «кылган ишинин жемиши».
^ Же: «оңдоп-түзөөнү катаалдык деп эсептейт».
^ Же: «ашкерелеген».
^ Сөзмө-сөз: «Акылсыздардын оозу».
^ Же: «көздөйт».
^ Же: «жакшы».
^ Же: «Санаачыл».
^ Же: «тикенектүү тосмодой».
^ Же: «Ишенген кишиң менен кеңешпесең».
^ Же: «уятка калтырат».
^ Же: «эмне деп жооп беришти кылдат ойлонот; сүйлөөрдөн мурун ойлонот».
^ Же: «сөөктү бекемдейт».
