Накыл сөздөр 17:1—28
17 Уруш-талаш кетпеген үйдө тойлогонго караганда,+Тынчтык бар жерде бир сындырым каткан нан жеген артык.+
2 Кожоюндун уятсыз иш кылган уулун акылдуу кулу башкарат,Ал кожоюндун башка уулдары менен чогуу мурас алат.
3 Күмүш менен алтын казанда эритилип-тазаланат,+Ал эми адамдын жүрөгүн Жахаба изилдейт.+
4 Кара санатай бузуку сөз укканды жакшы көрөт,Калпычы чириген сөзгө кулак төшөйт.+
5 Жакырды шылдыңдаган анын Жаратканына акарат кылат.+
Бирөөнүн кырсыкка кабылганына сүйүнгөн жазасыз калбайт.+
6 Карылардын таажысы — неберелери,Уулдардын* даңкы — атасы*.
7 Акылсызга туура* сөз айтканы жарашпайт.+
Аттуу-баштууга калп айтканы андан бетер жарашпайт!+
8 Колундагы белеги ээси үчүн асыл таштай,+Каякка барбасын, белеги аны ийгиликке жеткирет.+
9 Айыпты кечире билген сүйөрүн көрсөтөт,+Ал эми аны эскерте берген жакын досторду бөлөт.+
10 Акылсызга урулган жүз балакка караганда,+Түшүнүгү бар кишиге уккан жемеси күчтүүрөөк таасир этет.+
11 Бузуку козголоңду гана көздөйт,Бирок аны жазалаш үчүн ырайымсыз кабарчы жиберилет.+
12 Акылсыздыгы ашынган акылсызга жолуккандан көрө,+Мамалактарынан ажыраган аюуга жолуккан жакшы.
13 Ким жакшылыкка жамандык менен жооп берсе,Анын үйүнөн жамандык кетпейт.+
14 Чыр-чатактын башталышы тосмону жарган шар суудай*;Уруш баштала электе, кетип кал.+
15 Ыймансызды актаган да, адил кишини каралаган да+Жахаба үчүн жийиркеничтүү.
16 Акылсыз акылмандыкка үйрөнгүсү келбесе*,Ага акылмандыкка ээ кыла турган нерсенин кереги эмне?+
17 Чыныгы дос ар убак сүйөт,+Ал кыйын мезгилде бир тууганыңдай болот*.+
18 Акылсыз кол беришип, келишим түзөт,Башканын көзүнчө бирөө үчүн кепилдикке өтөт.+
19 Жаңжалды жакшы көргөн күнөөнү жакшы көрөт.+
Дарбазасын бийик көтөргөн өзүнө балээ тилеп алат.+
20 Жүрөгү анткор ийгиликке жетпейт,+Жалган айткан балээге кабылат.
21 Акылсыз уулдун атасы кайгы тартат,Акылы жоктун атасы кубанбайт.+
22 Шайыр жүрөк — дарыдай даба,+Ал эми көңүлдүн чөккөнү күчтөн тайдырат*.+
23 Акыйкаттыкты бурмалаш үчүнЫймансыз жең ичинен пара алат.+
24 Кыраакынын көзү акылмандыкка багытталган,Акылсыздын көзү болсо бирде биякта, бирде тиякта.+
25 Акылсыз уул атасын кайгыга салат,Энесин шорго малат.+
26 Адил кишини жазалоо* жакшы эмес.
Кадыр-барктуу кишини сабоо адилеттикке жатпайт.
27 Билими бар сөздү кылдат тандайт,+Кыраакы киши сабыр сактайт.+
28 Унчукпай турганда атүгүл акылсыз да акылдуудай көрүнөт,Сүйлөбөй турганда киши билимдүүдөй көрүнөт.
Шилтемелер
^ Же: «Балдардын».
^ Же: «ата-энеси».
^ Же: «мыкты».
^ Же: «суунун тосмосун ачкандай».
^ Же: «Акылсыздын акыл-эси жок болсо». Сөзмө-сөз: «жүрөгү жок болсо».
^ Сөзмө-сөз: «кыйын мезгил үчүн төрөлгөн бир тууганыңдай».
^ Же: «сөөктү кургатат».
^ Же: «Адил кишиге айып пул салуу».
