Накыл сөздөр 18:1—24
18 Башкалардан бөлүнгөн өз кызыкчылыгын көздөйт,Акылмандыктын баарын четке кагат*.
2 Акылсыз эч нерсени түшүнгүсү келбейт,Ал өз оюн гана айткысы келет.+
3 Ким ыймансыздык кылса, жек көрүндү болот,Ким кадыр-баркын түшүргүдөй иш кылса, уят болот.+
4 Адамдын оозунан чыккан сөздөр — терең суулар.+
Анын оозунан чыккан акылмандык агын суудай.
5 Сотто ыймансызга жан тартуу да,+Адил кишиге адилетсиздик кылуу да жакшы эмес.+
6 Акылсыздын тили уруш чыгарат,+Оозу өзүнө муштум жедирет.+
7 Акылсыздын оозу өзүн ойрон кылат,+Тили өзүнө* тор жаят.
8 Жалаачынын сөздөрү даамдуу тамактай,+Адамдар жан деп сугунуп алган андай сөздөр түз эле курсакка түшөт.+
9 Ишин илең-салаң аткарган киши —
Бүлдүргүчтүн бир тууганы.+
10 Жахабанын ысмы — бекем мунара.+
Ага адил киши качып кирип, коопсуз болот.+
11 Байдын мүлкү — анын чептүү шаары;Кыялында ал аны бийик коргондой көрөт.+
12 Жыгылар алдында адам текеберденет,+Ал эми момундук даңкка жеткирет.+
13 Ким аягына чейин укпай туруп жооп берсе,Акылсыздыгын көрсөтөт жана өзүн басынтат.+
14 Руху күчтүү болсо, адам ооруну көтөрүп кетет,+Бирок рухтун жараланышын* ким көтөрө алат?+
15 Түшүнүгү бар билимге ээ болот,+Акылмандар билим издеп, ага кулак төшөйт.
16 Адамдын берчү белеги ага жол ачат,+Аны беделдүү адамдардын алдына тургузат.
17 Сотто ким биринчи сүйлөсө, ошонуку туурадай көрүнөт.+
Бирок берки тарап келет да, чын-төгүнүн айкын кылыш үчүн ага суроолорду берет.+
18 Өкчөмө таш талаш-тартышты токтотуп,+Күчтүүлөрдүн ортосундагы чырды чечет.
19 Таарынган жакын кишиңдин жүрөгүн жибитүү чептүү шаарды багындыргандан да кыйын;+Чептин бекитилген дарбазасындай ашып өткүс келишпестиктер болот.+
20 Адам өз сөзүнүн жемишине тоёт,+Айткан сөзүнүн натыйжасын көрөт.
21 Өлүм менен өмүр тилдин бийлигинде,+Сүйлөгөндү жакшы көргөндөр сөзүнө жараша натыйжасын көрөт.+
22 Ким жакшы аял тапса, баалуу кенч тапты,+Бул — анын Жахабага жакканы.+
23 Жакыр жалбарып жардам сурайт,Ал эми бай ага орой жооп берет.
24 Бири-бирин тытып жибергиси келген шериктер бар,+Бирок бир туугандан да жакын дос болот.+
