Накыл сөздөр 23:1—35
23 Падыша менен бир дасторконго отургандаАлдыңдагынын баарын кылдат байкап отур.
2 Эгер тамаксоо болсоң,Кекиртегиңди тый*.
3 Алданып, тузакка түшүп калбашың үчүнАнын даамдуу тамак-ашына сугуңду артпа.
4 Байлык топтойм деп, алдан тайба.+
Аныңды коюп, акыл-эстүү бол*.
5 Аны караганыңда, ал жок болуп кетет,+Бүркүттүкүндөй канат жасап алып, асманга учуп кетет.+
6 Сараңдын тамагын жебе,Даамдуу тамак-ашына сугуңду артпа.
7 Анткени ал ичинен баарын эсептеп турат.
Сага: «Ал, ичип-жеп отур»,— дегени менен, муну чын жүрөктөн айтпайт.
8 Жеп-ичкениңди кайра кусасың,Айткан жакшы сөздөрүң да текке кетет.
9 Акылсызга насаат айтпа,+Анткени ал акылдуу сөздөрүңдү баркка албайт.+
10 Жердин илгерки чек белгилерин жылдырба,+Жетимдердин* талаасына кол салба.
11 Анткени алардын Коргоочусу* күчтүү.
Ал аларга болушуп, сага каршы чыгат.+
12 Акыл-насаатка бүт жүрөгүңдү бур,Кулагыңды билим камтылган сөздөргө төшө.
13 Баланы тартипке салбай койбо,+Чыбык менен сабасаң, өлүп калбайт.
14 Көрдөн* сактап калыш үчүнАны чыбык менен жазалашың керек.
15 Уулум, акылдуу болсоң*,Мен да кубанам.+
16 Туура сөздөрдү сүйлөгөнүңдө,Жан дүйнөм* шаттанат.
17 Жүрөгүңдө күнөөкөрлөргө көз артпа,+Жахабадан күнү бою корк.+
18 Ошондо келечегиң кең болот,+Үмүтүң таш каппайт.
19 Уулум, сөзгө кулак салып, акылдуу бол,Жүрөгүңдү туура жолго бур.
20 Шарапты суудай ичкендерге,+Этке ашыра тойгондорго кошулба.+
21 Анткени аракеч менен соргок жакырланат,+Уйкучулук жыртык кийим кийгизет.
22 Сага өмүр берген атаңдын тилин ал,Энеңди карып калганы үчүн эле баркка албай койбо.+
23 Чындыкты сатып ал да, кайра сатпа,+Акылмандыкты, акыл-насаатты, түшүнүктү да сатып ал*.+
24 Адил адамдын атасы сүйүнөт,Уулу акылдуу болсо, атасы кубанат.
25 Атаң менен апаң кубанат,Ооба, сени төрөгөн энең сүйүнөт.
26 Уулум, мени бүт жүрөгүң менен ук,Менин жолумда жүргөндөн рахат ал.+
27 Анткени сойку — терең аң,Аягы суюк* аял — тар кудук.+
28 Ал буктурмада каракчыдай болуп аңдып отурат,+Кудайга* берилгендигин сактабаган эркектердин санын көбөйтөт.
29 Кайгырган ким? Беймаза болгон ким?
Чатакташкан ким? Наалыган ким?
Себепсиз жараат алган ким? Көзү тунарган ким?
30 Керээли-кечке шарап ичкендер,+Күчтүү шарап издегендер*.
31 Шараптын кызарганына,Чөйчөктө жылтылдаганына, жагымдуу даамына кызыкпа.
32 Анткени акырында ал жыландай чагып алат,Чаар жыландай уусун чачат.
33 Көзүңө бир кызыктай нерселер көрүнүп,Жаман нерселерди сүйлөйсүң.+
34 Деңиздин ортосунда жаткандай*,
Кемеде жаткан кишидей болосуң.
35 «Мени урса да, сезген жокмун*.
Сабашса да, эч нерсе билген жокмун.
Качан ойгонор экем?+
Дагы ичким келип жатат*»,— дейсиң.
Шилтемелер
^ Же: «Кекиртегиңе бычак така».
^ Же балким: «Өз түшүнүгүңө таянба».
^ Сөзмө-сөз: «Атасы жок балдардын».
^ Сөзмө-сөз: «Кун төлөп куткарып алуучусу».
^ Сөзмө-сөз: «жүрөгүң акылдуу болсо».
^ Сөзмө-сөз: «Бөйрөктөрүм».
^ Же: «ээ бол».
^ Сөзмө-сөз: «Бөтөн жерлик». Сыягы, Кудайдын адеп-ахлак нормаларынан алыс болгон аял жөнүндө сөз жүрүп жатат.
^ Же: «Аялына».
^ Же: «ичиш үчүн чогулгандар».
^ Сыягы, чөгүп бараткан кишидей.
^ Же: «этим ооруган жок».
^ Же: «шарап издейин».
