Накыл сөздөр 24:1—34
24 Кара ниеттерге көз артпа,Аларга шерик болууну эңсебе.+
2 Анткени алар зордук-зомбулукту ойлошот,Жамандык кылууну сүйлөшөт.
3 Үй акылмандык менен курулат*,+Кыраакылык менен чыңдалат.
4 Бөлмөлөрү ар кандай баалуу, сонун буюмдаргаБилимдин аркасында толтурулат.+
5 Акылман киши күчтүү,+Ал билиминин аркасы менен күчүнө күч кошот.
6 Согушту жакшы жетекчиликтин астында жүргүз,+Кеңешчилер көп болсо, жеңишке жетесиң*.+
7 Акылсыз үчүн чыныгы акылмандык кол жеткис,+Андай кишинин шаар дарбазасынын алдында айтар сөзү жок.
8 Ким жамандык кылууну ойлонуштурса,Аны жамандык кылууну ойлоп тапканга маш дешет.+
9 Акылсыздын ойлогон ою* күнөөгө алып барат,Шылдыңчыл адамды эл жек көрөт.+
10 Башыңа кыйынчылык түшкөн күнү ындының өчсө,Алдан-күчтөн таясың.
11 Өлүмгө кыйыш үчүн алынып бараткандарды куткарып кал,Өлүм алдында тургандарды сактап кал.+
12 «Биз бул жөнүндө билген эмеспиз»,— дей турган болсоң,Жүрөктөгүнү* изилдеген Кудай байкабай коёбу?+
Ооба, сага көз салып турган Кудай муну билет,Ар бир кишиге иштерине жараша тиешесин берет.+
13 Уулум, бал же, себеби ал пайдалуу,Аарынын уюгунан алынган бал таттуу.
14 Ошол сыяктуу эле, акылмандык да сен үчүн пайдалуу.+
Аны тапсаң, келечегиң кең болот,Үмүтүң таш каппайт.+
15 Адил кишинин үйүнүн жанына кара ниеттик менен буктурма койбо,Анын турак жайын бүлдүрбө.
16 Анткени адил киши жети жолу жыгылышы мүмкүн, бирок кайра турат,+Ал эми ыймансыздар алаамат учурунда биротоло кулайт.+
17 Душманың куласа, кубанба,Мүдүрүлсө, сүйүнбө*.+
18 Болбосо Жахаба ошенткениңди көрүп, нааразы болот,Душманыңдан каарын кайт кылат.+
19 Жамандык кылгандарды көрүп капаланба*,Ыймансыздарга көз артпа.
20 Себеби жамандык кылгандардын келечеги жок,+Ыймансыздардын чырагы өчөт.+
21 Уулум, Жахабадан жана падышадан корк.+
Козголоңчуларга* кошулба.+
22 Анткени аларды күтүлбөгөн жерден кырсык басат.+
Экөө* алардын башына кандай мүшкүл түшүрөрүн ким билет?+
23 «Сотто кайсы бир тарапка тартып коюу жакшы эмес»,+Бул сөздөр да акылмандарга таандык.
24 Ким ыймансызга: «Сен адилсиң»,— десе,+Аны башкалар каргайт, элдер айыптайт.
25 Ал эми ыймансызды кимдер ашкерелесе,+Ийгиликке жетип, мол бата алышат.+
26 Ким чынчылдык менен жооп берсе,Эл анын оозунан өбөт*.+
27 Сырттагы жумуштарыңды аткар,Талаадагы иштериңди бүтүр,Анан үйүңдү* кур.
28 Негиз жок болсо, жакыныңа каршы күбөгө өтпө,+Башкаларга калп айтпа.+
29 «Ал мага кандай кылса, мен да ага ошондой кылам.
Ага кылганына жараша тиешесин берем»,— дебе.+
30 Мен жалкоонун талаасынын четинен,+Акылсыздын жүзүмзарынын жанынан өтүп бараткан элем.
31 Карасам, баарын отоо чөп басып,Чалкан каптап кетиптир,Таш дубалы да урап калыптыр.+
32 Ошону көрүп ойлондум да,Өзүмө мындай сабак* алдым:
33 Дагы бир аз уктай турсаң, дагы кичине үргүлөй түшсөң,Колуңду көкүрөгүңө алып жата турсаң,
34 Жакырлык каракчыдай,Жокчулук куралчан кишидей болуп кирип келет.+
Шилтемелер
^ Же: «Үй-бүлө акылмандык менен чыңдалат».
^ Же: «ийгиликке жетесиң; куткарыласың».
^ Же: «Акылсыздыкка жаткан ойлор».
^ Же: «Ниеттерди».
^ Сөзмө-сөз: «жүрөгүң кубанбасын».
^ Же: «кыжырданба».
^ Же: «Бир нерсени өзгөртүш үчүн көтөрүлгөндөргө».
^ Б. а. Жахаба менен падыша.
^ Же балким: «Чынчылдык менен жооп берген өпкөнгө барабар».
^ Же: «үй-бүлө».
^ Бул жерде «сабак» деп которулган сөз түп нускада кеңири мааниге ээ. Аны «акыл-насаат, жаза, билим, оңдоп-түзөө, үндөө, эскертүү, кеңеш» деп да которсо болот.
