Накыл сөздөр 26:1—28
26 Жайында жааган кардай, оруп-жыюу маалындагы жамгырдай эле,Акылсызга да кадыр-барк жарашпайт.+
2 Чымчык себепсиз качпагандай, чабалекей жөн жерден учуп кетпегендей,Каргыш да себепсиз эле тие бербейт*.
3 Камчы — атка, ооздук — эшекке,+Ал эми таяк — акылсыздардын жонуна.+
4 Акылсызга акылсыздыгына жараша жооп бербе,Болбосо өзүң да ошондой болуп каласың.
5 Акылсыз өзүн акылдуу сезип калбашы үчүн,Ага акылсыздыгын эске алып жооп бер.+
6 Өз бутун мунжу кылып, өзүнө зыян келтирген киши кандай болсо,Ишти акылсызга тапшырган киши да ошондой.
7 Аксактын буту кандай болсо,Акылсыздардын оозундагы накыл сөз да ошондой.+
8 Акылсызды даңктооСалмоорго таш байлагандай.+
9 Акылсыздардын оозундагы накыл сөзМастын колундагы тикенектүү өсүмдүктөй.
10 Акылсызды же өтүп бараткандарды жалдаган кишиТуш келди* ата берген жаачыдай.
11 Ит кайра барып, кусундусун жегендей эле,Акылсыз акылсыздыгын кайталайт.+
12 Өзүн акылдуу эсептеген кишини көрдүң беле?+
Ага караганда акылсыздын оңолоруна көбүрөөк үмүттөнсө болот.
13 Жалкоо: «Жолдо жаш арстан жүрөт!
Аянтта арстан жүрөт!» — дейт.+
14 Эшик топсосунда айлангандай эле,Жалкоо төшөгүндө оонайт.+
15 Жалкоо колун табакка салат,Бирок ушунчалык чарчагансып, кайра оозуна жеткире албайт.+
16 Жалкоо өзүн акылмандык менен жооп берген жети кишиден акылдуу эсептейт.
17 Өтүп баратып башкалардын чатакташып жатканына ачуусу кайнап чыккан* кишиИтти кулактан алган кишиге окшош.+
18 Оттуу найзаларды, өлтүрө турган жебелерди ыргыткан кем акыл кандай болсо,
19 Жакынын алдап коюп, анан: «Тамашалап эле койдум»,— деген киши да ошондой.+
20 Отун жок жерде от өчөт,Жалаачы жок жерде уруш басылат.+
21 Көмүр чокту тутантат, жыгач отту жалындатат,Урушчаак киши чатак чыгарат.+
22 Жалаачынын сөздөрү даамдуу тамактай,Адамдар жан деп сугунуп алган андай сөздөр түз эле курсакка түшөт.+
23 Жүрөгү бузуктун жагымдуу сөздөрүКарапанын сыныгына жалатылган күмүштөй.+
24 Башкаларды жек көргөн киши анысын жашырып сүйлөйт,Бирок ичинен алдоону ойлоп турат.
25 Жанга жагымдуу сүйлөсө да, ага ишенбе.
Анткени жүрөгүндө жийиркеничтүү жети нерсе бар*.
26 Ал жек көргөнүн жашырыш үчүн алдаса да,Кыянаттыгы эл алдында айкын болот.
27 Ор казган киши ага өзү түшөт,Таш тоголоткон киши өзү анын астында калат.+
28 Калпычы өзү зыян келтиргендерди жек көрөт,Кошоматчы башкаларды ойрон кылат.+
Шилтемелер
^ Же балким: «Чымчык учкандай, чабалекей учуп кеткендей, жөн жерден айтылган каргыш да тийбей өтүп кетет».
^ Же: «Баарын».
^ Же балким: «чатагына кийлигишкен».
^ Же: «жүрөгү толугу менен жийиркеничтүү».
