Накыл сөздөр 3:1—35
3 Уулум, мен берген билимди* унутпа,Осуяттарымды бүт жүрөгүң менен сакта,
2 Ошентсең, өмүр сүргөн күндөрүң менен жылдарың узарат,Тынчтыкта жашайсың.+
3 Туруктуу сүйүү*, ишеничтүүлүк* деген сапаттар сенден кетпесин.+
Аларды мойнуңа байлап,Жүрөгүңө жазып ал.+
4 Ошондо Кудайга да, адамдарга да жагып,+Түшүнүгү терең киши катары тааныласың.
5 Бүт жүрөгүң менен Жахабага таян,+Өз түшүнүгүңө таянба.+
6 Эмне иш кылба, Кудайды эстеп жүр,+Ошондо ал сени туура жолго салат.+
7 Өзүңдү акылдуу эсептебе.+
Жахабадан коркуп, жамандыктан алыс бол.
8 Бул денең* үчүн даба болот,Сөөктөрүңө кубат берет.
9 Жахабага баалуу нерселериңди,+Бардык нерсеңдин биринчи түшүмүн* берип урмат көрсөт.+
10 Ошондо кампаларың толуп-ташат,+Идиштериңден* жаңы шарап ашып-ташат.
11 Уулум, Жахабанын жазасын* четке какпа,+Сени оңдоп-түзөгөндө* ачууланба,+
12 Себеби атасы жакшы көргөн уулун оңдоп-түзөгөндөй эле,+Жахаба кимди жакшы көрсө, ошону оңдоп-түзөйт.+
13 Акылмандыкты тапкан,+Кыраакы болгонду үйрөнгөн киши бактылуу;
14 Акылмандыкка ээ болуу күмүшкө ээ болуудан артык,Ал алтынга караганда көбүрөөк пайда алып келет.+
15 Ал маржандан* кымбат,Сен эңсеген нерселердин бири да ага тең келбейт.
16 Анын оң колунда узун өмүр,Сол колунда байлык менен атак-даңк.
17 Акылмандыктын жолунда жүрүү жагымдуу,Анын жолу менен басуу тынчтыкка бөлөйт.+
18 Акылмандык — аны бекем кармагандар үчүн өмүр дарагы.
Аны колунан чыгарбай, бекем кармагандарды бактылуу дешет.+
19 Жахаба жерди акылмандыгы менен түптөгөн,+Асманды кыраакылыгы менен бекем орноткон.+
20 Анын билиминин аркасында суу туңгуюктары бөлүнгөн,Булуттуу асмандан жаан себелеген.+
21 Уулум, ушуларды* унутпа.
Акылмандыкты, ой жүгүртүү жөндөмүн сакта.
22 Алар сага узун өмүр берет,Мойнуңа тагылган жасалга болот.
23 Ошондо жолуңда коопсуз басасың,Эч качан эч нерсеге чалынбайсың.+
24 Жатканда эч нерседен коркпойсуң,+Уйкуң да таттуу болот.+
25 Күтүлбөгөн коркунучтан үрөйүң учпайт,+Ыймансыздарга сого турган долу шамалдан коркпойсуң.+
26 Анткени Жахаба таянычың болот,+Ал бутуңду тузактан сактайт.+
27 Колуңан келип турса,+Муктаж болгондордон* жакшылыгыңды аяба.+
28 Колуңда бар болуп туруп:
«Бар, кийинчерээк кел! Сураганыңды эртең берем»,— дебе.
29 Жаныңда бейкапар жашап жаткан кишиге+Жамандык кылууну ойлобо.
30 Сага эч кандай жамандык кылбаган киши менен+Жөн жерден чатакташпа.+
31 Зөөкүр кишиге көз артпа,+Анын жолуна такыр кадам таштаба,
32 Анткени Жахаба андай алдамчы адамдан жийиркенет,+Ал эми чынчыл адам менен жакын дос болот.+
33 Ыймансыздын үйүндөгүлөрүнө Жахабанын каргышы тиет,+Ал эми адил адамдардын үйүндөгүлөрүнө ал батасын берет.+
34 Ал шылдыңчылдарды мазактап күлөт,+Ал эми мүнөзү жумшактарга мээримин төгөт.+
35 Акылмандар урмат-сыйга ээ болот,Акылсыздар болсо маскара кыла турган нерсени даңазалайт.+
Шилтемелер
^ Же: «мыйзамды».
^ Же: «чындык».
^ Сөзмө-сөз: «киндигиң».
^ Же: «Бүт кирешеңдин эң жакшысын».
^ Же: «Жүзүм сыккан жайыңдан».
^ Бул жерде «жаза» деп которулган сөз түп нускада кеңири мааниге ээ. Аны «акыл-насаат, билим, оңдоп-түзөө, үндөө, эскертүү, кеңеш» деп да которсо болот.
^ Же: «ашкерелегенде».
^ Сыягы, Кудайдын буга чейинки аяттарда айтылган сапаттары.
^ Же: «Кимге тиешелүү болсо, ошол кишиден».
