Накыл сөздөр 9:1—18
9 Чыныгы акылмандык өзүнө үй курду,Анын жети устунун жонуп даярдады.
2 Этин камдап*,Күчтүү шарап жасап,Дасторконун жайды.
3 Кызматчы кыздарын жар салыш үчүн жөнөттү,Шаардын бийик жерлеринен:+
4 «Ким тажрыйбасыз болсо, бери келсин!» — деп жар салганга жөнөттү.
Ал эми акылсызга*:
5 «Кел, нанымдан жеп, жасаган шарабымдан ич.
6 Акылсыздыкты* таштап, өмүр сүр,+Түшүнүктүн жолунда жүр»,— деди.+
7 Шылдыңчылды оңдоп-түзөгөн киши өзү уятка калат,+Ыймансызды ашкерелеген киши өзү зыян тартат.
8 Шылдыңчылды ашкерелебе, болбосо сени жек көрүп калат.+
Акылдууну ашкереле, ошондо ал сени жакшы көрүп калат.+
9 Насаатты акылдууга айт, ошондо анын акылмандыгы артат.+
Адил кишини үйрөт, ошондо ал билимин арттырат.
10 Жахабадан коркуу — акылмандыктын башталышы.+
Баарынан Ыйыкты таанып-билсең,+ түшүнүккө ээ болосуң.
11 Айткандарыма ылайык иш кылсаң, өмүрүң узарат,+Жашыңа жаш кошулат.
12 Акылман болсоң, акылмандыгыңдын пайдасын көрөсүң.
Шылдыңчыл болсоң, азабын тартасың.
13 Акылсыз аял — шарактаган аял.+
Ал наадан, эч нерсе билбейт.
14 Ал аял шаардын бийик жеринде,+Үйүнүн алдында отуруп алып,
15 Ары-бери өткөндөрдү,Өз жолу менен бараткандарды чакырып:
16 «Ким тажрыйбасыз болсо, бери келсин!» — дейт.
Ал эми акылсызга*:+
17 «Уурдап ичкен суу таттуу болот,Катып жеген тамак даамдуу болот»,— дейт.+
18 Бирок акылсыз анын үйү өлүктөр жаткан жай экенин,Аныкына конокко баргандар көрдүн* түбүнө түшкөнүн билбейт.+
Шилтемелер
^ Же: «Малын союп».
^ Сөзмө-сөз: «жүрөгү кемге».
^ Же: «Тажрыйбасыздыкты; тажрыйбасыздарды».
^ Сөзмө-сөз: «жүрөгү кемге».
